20:28, 04 Тамыз 2020 | GMT +6
Ақсай қаласында 20 жастағы тұрғын 8-қабаттан құлап кетті
ОРАЛ. ҚазАқпарат – Ақсай қаласында 20 жастағы тұрғын 8-қабаттан құлап кетті, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, оқиға 3 тамыз күні таңертең болған.
Сағат 07.00-дер шамасында 2000 жылғы тұрғын сегізінші қабаттан құлаған. Марқұм жедел жәрдем келгенге дейін көз жұмған. Оның денесі сот-медициналық сараптамаға жіберілді.
Аталған оқиға өзіне-өзі қол жұмсау дерегі ретінде тіркелді.
Еске сала кетейік, бұдан бұрын Ақсайда ғимаратта газ қопарылып, бір адам мерт болған еді.