+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Ақмолада тексерілген балалар ойыншықтарының 60 пайызы нормаға сәйкес келмейді

2021 жылғы 15 қыркүйек 12:25
Бөлісіңіз:
Ақмолада тексерілген балалар ойыншықтарының 60 пайызы нормаға сәйкес келмейді

КӨКШЕТАУ. ҚазАқпарат – Ақмола облысында өнеркәсіп тауарларына қатысты заңбұзушылықтарды жою үшін кәсіпкерлік субъектілеріне 117 ұйғарым берілді, деп хабарлайды ҚазАқпарат тілшісі облыстық санитарлық-эпидемиологиялық бақылау департаменті баспасөз қызметіне сілтеме жасап.

Ұқсас жаңалықтар

Ведомствоның мәліметінше, өңірде ағымдағы жылдың 8 айында өнім қауіпсіздігін мониторингілеу шеңберінде 2788 өнім сынамасы зерттелді.

Оның ішінде 311 сәйкес келмейтін сынама анықталды, бұл 11,1 пайызды құрады.

Зерттелген үлгілердің жалпы көлемінен 87,9 пайызы таңбалау бойынша техникалық регламенттердің талаптарына жауап бермейді, ал қауіпсіздіктің микробиологиялық көрсеткіштері бойынша сәйкессіздік 5 пайызды, физика-химиялық көрсеткіштер бойынша 5,5 пайызды құрады.

«Зерттеумен өнімдердің барлық негізгі топтары қамтылған, оның ішінде сүт өнімдері, құс еті, ет және балық өнімдері, кондитерлік және нан-тоқаш өнімдері және басқа да өнімдері бар. Азық-түлікке жатпайтын тауарлар тобында балалар ойыншықтары, киім, аяқ киім, тұрмыстық химия тауарлары, гигиена құралдары, парфюмерия және косметика, тамақпен жанасатын материалдар, балалар тауарлары және басқалары тексерілді», - деп атап өтті ведомстводан.

Ақмола облысы санитарлық-эпидемиологиялық бақылау департаментінің бөлім басшысы Жанар Қалиеваның айтуынша, 1998 мыңнан астам тамақ өнімінің сынамасы зерттелген.

Оның 8,1 пайызы белгіленген талаптарға сәйкес келмейді.

Өнеркәсіптік топ тауарларына келетін болсақ, келесі тауар топтарында сәйкессіздік анықталды: балалар мен жасөспірімдерге арналған тауарлар арасында – 56,1 пайыз, оның ішінде балалар ойыншықтары – 60 пайыз, жеңіл өнеркәсіп өнімдері – 91,4 пайыз, парфюмерлік-косметикалық өнімдер - 4,3 пайыз, тұрмыстық химия тауарлары - 4,2 пайыз.

«Осыған байланысты кәсіпкерлік субъектілеріне анықталған заңбұзушылықтарды жою туралы 117 ұйғарым беріліп, оны жою тәртібі түсіндірілді», - деп толықтырды ведомстводан.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT