19:06, 05 Желтоқсан 2019 | GMT +6
Ақмола облысында қылмыстық топ жарылғыш заттарды ұрлап, сатып келген
КӨКШЕТАУ. ҚазАқпарат – ҚР Ұлттық қауіпсіздік комитетінің Ақмола облысы бойынша департаменті өңірде жарылғыш заттарды ұрлаумен және оны заңсыз сатумен айналысқан қылмыстық топты ұстады, деп хабарлайды ҚазАқпарат тілшісі ведомствоның баспасөз қызметіне сілтеме жасап.
Мәлім болғандай, қылмыстық топтың екі мүшесі аммонит шашкалары мен капсюль-детонаторларды өткізу кезінде ұсталды.
«Көпкезеңді жедел зерттеу барысында, 2019 жылғы қазан-қараша айларында осы қылмыстық топқа қатысушылардан 809 аммонит шашкасы және жалпы салмағы 200 келіден астам аммонит салынған 2 пакет, сондай-ақ 442 капсюль-детонатор алынды. Ұсталғандар Көкшетау қалалық ПБ уақытша ұстау изоляторына қамалды. Сотқа дейінгі тергеу шаралары жүргізілуде», - делінген таратылған хабарламада.
