07:44, 04 Наурыз 2021 | GMT +6
Ақмола облысында көлік қозғалысы шектелді
НҰР-СҰЛТАН. ҚазАқпарат – Ақмола облысының күре жолдарында ауа райының қолайсыздығына байланысты көліктің барлық түрлерінің қозғалысына шектеу қойылды, деп хабарлайды ҚазАқпарат Индустрия және инфрақұрылымдық даму министрлігінің Telegram арнасына сілтеме жасап.
4 наурыз күні сағат 07.00-де Ақмола облысында ауа райының нашарлауы (жел, бұрқасын, жолдың көрінбеуі) «Нұр-Сұлтан – Петропавл» тас жолының 18-231 шақырымы, Нұр-Сұлтан – Щучинск тас жолының учаскесінде (учаске «ҚазАвтоЖол» ҰК» АҚ ақылы автомобиль жолдары дирекциясына жатқызылады) көліктің барлық түрлерінің қозғалысына шектеу қойылды.