+7 (701) 759 90 19
USD 419.45 EUR 504.64
RUB 5.68 CNY 64.88
Jańalyqtar

Әділет министрлігінің биылғы басым міндеттері айқындалды

2021 жылғы 22 қаңтар 11:36
Бөлісіңіз:
Әділет министрлігінің биылғы басым міндеттері айқындалды

НҰР-СҰЛТАН. ҚазАқпарат – ҚР Әділет вице-министр Наталья Пан ведомствоның алдында норма шығару саласында тұрған басым міндеттерді атады, деп хабарлайды ҚазАқпарат тілшісі.

«Алдағы кезеңге норма шығару саласында мынадай басым міндеттер қойылды: Біріншіден, Үкіметтің заң жобалау жұмыстарының 2021 жылға арналған жоспарының орындалуын қадағалау; екіншіден, заң шығару жұмысының 2021-2026 жылдарға арналған тұжырымдамалық жоспарын қабылдау; үшіншіден, құқықтық саясат тұжырымдамасын қабылдау; төртіншіден, қабылданған Әкімшілік рәсімдік-процестік кодексті іске асыру; бесіншіден, жергілікті атқарушы және өкілді органдардың құқықтық актілеріне орталықтандырылған сараптама жасауға көшу; алтыншыдан, нормашығармашылықты жетілдіру мәселелері бойынша заң жобасын Парламентте сүйемелдеу», - деді ол министрліктің кеңейтілген алқа отырысында.

Сондай-ақ, вице-министр аталған заң жобасы аясында «Е-заңнама» жүйесі арқылы норма шығару процесін автоматтандыру бойынша жұмыстар қатар жүргізілетіндігін баса айтты.

«Мұнан бөлек, тағы 2 заң жобасы әзірленеді. Олар: азаматтық заңнаманы жетілдіру және ағылшын және Еуропалық құқық қағидаттары мен ережелерін имплементациялау негізінде кәсіпкерлік қызмет үшін жағдайларды жақсарту мәселелері бойынша; әділет органдары қызметінің мәселелері бойынша», - деді Наталья Пан.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT