«Adaldyq alany» жобасы 2020 жылды қорытындылады

Кеңес жұмысына вице-министрлер және жобаны іске асыруға жауапты әкімдердің орынбасарлары, орталық мемлекеттік органдардың аумақтық бөлімшелерінің басшылары, әдеп жөніндегі уәкілдер және қоғам өкілдері қатысты.

Кеңес барысында республикалық жобалық кеңсенің басшысы Төлеген Байғұлов жобаны іске асырудың оң нәтижелерін атап өтті.

«Тұрмыстық сыбайлас жемқорлықты жоюдың пәрменді құралы ашықтық пен айқындық екенін ескере отырып, «Adaldyq alany» республикалық жобасы аясында мемлекеттік аппараттың клиентке бағдарлануын қамтамасыз етуге ерекше назар аударылды. Осылайша 317 әкімдіктің сервистік жұмыс үлгісіне көшкенін атап өткен жөн. Облыстық маңызы бар қалалар мен аудандарда жүз пайыз қамтамасыз етілді», - деп ол атап өтті.

Жоба үйлестірушілерінің айтуынша, атқарылған жұмыс мемлекеттік қызметшілердің ашықтығын қамтамасыз ете отырып, шенеуніктердің ұйымдастырушылық мәдениетін трансформациялауды бастауға мүмкіндік берді.

Сыбайлас жемқорлықты жалпыға бірдей қабылдамау жағдайларын жасай отырып, жобалық кеңестерінің менеджерлері мемлекеттік көрсетілетін қызметтерді үдемелі цифрландыруды жалғастырды, оның деңгейі 2020 жылдың қорытындысы бойынша
93%- ды құрады.

Жобаның мызғымас бөлігі қоғам өкілдерінің жеке қатысуы болды. Ол 80 мыңға жуық еріктіні біріктірді, олардың қолдауымен сыбайлас жемқорлық мінез-құлықты болдырмайтын жағдайлар жасалуда.

Барлық қоғам өкілдері – «Adaldyq alany» өңірлік жобалық кеңестерінің басшылары өңірлік әкімдерінің штаттан тыс кеңесшілері болып тағайындалды.

Азаматтарда әлеуметтік маңызды мәселелер бойынша қоғамдық мониторингілерде бастамашылық жасауға және оған қатысуға мүмкіндік пайда болды.

Өткен жылы 10-нан астам сала қамтылды, оның ішінде дәрі-дәрмекпен қамтамасыз ету, қашықтан оқытуды ұйымдастыру, жол құрылысы және т. б.

Азаматтардың сұраныстарына дер кезінде жауап беру үшін жобалық кеңселер проблемалық мәселелерді шешу үшін кез-келген адам жүгіне алатын Facebook-тегі ресми парақшаларды белсенді түрде жүргізеді. Өткен жылдың өзінде жүгінген 11 500 азаматтың 80% сыбайлас жемқорлық тәуекелдерімен байланысты проблемалық мәселелерді оң шеше алды.

Өңірлерде жобаны іске асырудың оң нәтижелерін ескере отырып, сыбайлас жемқорлыққа қарсы ведомство басшысы Алик Шпекбаев вице-министрлерді министрліктер деңгейінде осындай жұмысты ұйымдастыруға шақырды.

Оның айтуынша, жобалық кеңселер бюджет қаражатының жұмсалуын бақылауда, сыбайлас жемқорлық тәуекелдерін болдырмауда және мемлекеттік қызметтерді цифрландыруды жеделдетуде, кедергісіз фронт-офистерді енгізу арқылы халыққа қызмет көрсетудің сервистік үлгісіне көшуде азаматтық қоғамды белсенді тарта отырып, сыбайлас жемқорлыққа қарсы бастамалардың генераторы болуы тиіс.

Бұл өз кезегінде министрліктердің жұмысының ашықтығын және халыққа есеп беру жағын түбегейлі өзгертеді.

Сондай-ақ, А.Шпекбаев ел басшылығына сыбайлас жемқорлықпен күрес бойынша лайықты бастамалары жоқ басшылар туралы ақпарат дайындау туралы тапсырма берді.

Қорытындылай келе, сыбайлас жемқорлыққа қарсы саясатты сапалы іске асыру үшін мемлекеттік органдар қоғаммен тиісті бағалау әдістемесін құруды ұсынды.