Әбу-Даби қаласында Израиль елшілігі ашылды
24 қаңтарда Абу-Дабиде Израиль елшілігі БАӘ-ге дипломатиялық миссияның басшысы Эйтан Наэнің келуімен қатар ашылды, деп хабарлады Израиль Сыртқы істер министрлігі.
Мәлімдемеде атап көрсетілгендей, «Израильдің Біріккен Араб Әмірліктеріндегі елшілігі елдер арасындағы байланыстың дамуына ықпал етеді».
Эйтан Наэ – Израильдің Түркиядағы бұрынғы елшісі, БАӘ-де ол уақытша сенімді уәкіл мәртебесіне ие болады.
Сондай-ақ 24 қаңтарда Әмірліктердің билігі Тель-Авивте елшілік ашуға рұқсат берген болатын.
Бір апта бұрын Израиль премьер-министрі Биньямин Натаньяхудың ақпан айында Біріккен Араб Әмірліктеріне баратыны белгілі болды.
Израиль үкіметі басшысының сапары елдер арасындағы қатынастарды қалыпқа келтіру туралы келісімдерге қол қойылғаннан кейінгі алғашқы сапар болмақ.