+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Абай туралы фильмдер нақтылануда - Ақтоты Райымқұлова

2020 жылғы 24 ақпан 16:32
Бөлісіңіз:
Абай туралы фильмдер нақтылануда - Ақтоты Райымқұлова

НҰР-СҰЛТАН. ҚазАқпарат – ҚР Мәдениет және спорт министрі Ақтоты Райымқұлова жақын арада Абай туралы қандай фильмдерге мемлекеттік қаржылық қолдау көрсетілетіндігі туралы айтты, деп хабарлайды ҚазАқпарат тілшісі.

Ұқсас жаңалықтар
Түркиялық әнші Абайдың әніне клип түсірді Абай және Маржани дүниетанымы туралы мақала татар тіліне аударылды Ақ Жайықта Абай жылы салтанатпен ашылды

Бүгін Парламент Мәжілісіндегі Үкімет сағатынан кейін тілшілер министрден Абай туралы көркем фильмді кім түсіретіндігін сұрады.

«Өздеріңіз білесіздер, Ұлттық киноны қолдау орталығында осы күндері, яғни бір апта бойы ашық байқау өтіп жатыр. Бұл байқаудың нәтижесінде қандай көркем фильмдер, қандай деректі фильмдер, сондай-ақ қай нұсқалар мен жобалар қолдау тапқанын білетін боламыз. Сонымен қатар, сарапшылық комиссия (27 ақпан мен 6 наурыз аралығында) қарауында үлкен әрі маңызды сұрақтар қаралады», - деді Ақтоты Райымқұлова.

Бұдан бұрын хабарланғандай, Абай туралы бірнеше деректі фильм мен телесериал түсірілетіні айтылған еді. Бұл туралы елордадағы Абайдың 175 жылдық мерейтойының ресми ашылуына арналған салтанатты шарада ҚР Мәдениет және спорт министрі Ақтоты Райымқұлова мәлім етті.

Естеріңізге салсақ, 2019 жылдың наурыз айында Қазақстан Тәуелсіздік алғалы осы салада қабылданған алғашқы заңнамалық құжат - ҚР «Кинематография туралы» заңға сәйкес Ұлттық киноны қолдау мемлекеттік орталығы құрылды.

Бұл ұйымның қызметінің негізгі бағыты ұлттық киноны қолдау, оны халықаралық деңгейге көтеру және әлемдік нарыққа шығару, Қазақстан киноөндірісіне инвестиция тарту. Аталған орталық арқылы ұлттық фильмдерге, ұлттық фильм атағын иеленуге ниетті киножобаларға мемлекет тарапынан қаржылай қолдау көрсетіледі, сонымен қатар кинематография саласында субсидия беріледі.



Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT