5 наурыз күнгі ауа райы болжамы

НҰР-СҰЛТАН. ҚазАқпарат – 5 наурыз күні Қазақстанның басым бөлігіне әлі де Солтүстік-Батыс циклонның әсері сақталады, онымен жаңбыр мен қар түрінде жауын-шашын күтіледі. Республиканың оңтүстік және оңтүстік-шығыс аймақтарында қатты жауын-шашын болжанады. Кей жерлерде тұман, көктайғақ, бұрқасын болады. Солтүстік аймақтарда желдің екпіні 23-28 м/с күшеюі ықтимал, деп хабарлайды ҚазАқпарат «Қазгидромет» РМК-ға сілтеме жасап.

Ұқсас жаңалықтар

Ақтөбе облысында қар жауып тұр, жүргізушілерге ескерту жасалды

Алдағы күндері қар жауып, күн суытады 17 сәуір күнгі ауа райы болжамы Қазақстанда қайтадан аяз түседі

Атап айтқанда, Ақмола, Солтүстік Қазақстан, Қостанай облыстарының кей жерлерінде бұрқасын, тұман, көктайғақ болады, желдің күші 23-28 м/с артуы мүмкін.

Ақтөбе, Жамбыл облыстарының кей жерлерінде жаяу бұрқасын, тұман, көктайғақ болады, желдің екпіні 15-23 м/с артады.

Қарағанды облысының кей жерлерінде тұман, жаяу бұрқасын, күндіз көктайғақ болады, желдің жылдамдығы 15-20 м/с жетуі мүмкін.

Шығыс Қазақстан облысының кей жерлерінде бұрқасын, тұман, көктайғақ болжанады, желдің күші 15-25 м/с артады.

Павлодар облысының кей жерлерінде жаяу бұрқасын, көктайғақ күтіледі. Желдің күші түнде кей жерлерде, күндіз басым бөлігінде 15-20 м/с, күндіз кей жерлерде 23-28 м/с жетуі ықтимал.

Алматы облысының кей жерлерінде тұман, көктайғақ болады, түнде желдің күші 15-20 м/с артады.

Батыс Қазақстан, түнде және таңертең Түркістан облыстарының кей жерлерінде тұман, көктайғақ болжанады, желдің күші 15-20 м/с жетеді.

Қызылорда, Маңғыстау облыстарында кей жерлерде тұман, Қызылорда облысында күндіз кей жерлерде желдің күші 15-20 м/с күшейеді.

Атырау облысында кей жерлерде желдің күші 15-20 м/с артатыны күтіледі.