00:28, 05 Мамыр 2021 | GMT +6
5 мамыр күнгі ауа райы болжамы
НҰР-СҰЛТАН. ҚазАқпарат – 5 мамыр күні Қазақстан территориясының басым бөлігінде жаңбыр жауып, найзағай ойнайды. Елдің тек солтүстік және шығысында жауын-шашынсыз ауа райы сақталады. Республиканың кей жерлерінде екпінді жел, тұман күтіледі. Оңтүстікте және батыста шаңды дауыл соғады. Оңтүстік-шығыста бұршақ жаууы ықтимал, деп хабарлайды ҚазАқпарат.
«Қазгидромет» РМК мәліметінше, күндіз Жамбыл облысының таулы аумағында бұршақ күтіледі, кей жерлерінде желдің екпіні 23-28 м/с күшейеді.
Түркістан, күндіз Атырау, Маңғыстау облыстарының кей жерлерінде шаңды дауыл тұрып, желдің жылдамдығы 15-20 м/с артады. Түнде және таңертең Маңғыстау облысында тұман болады.
Батыс Қазақстан, Қарағанды, түнде және таңертең Қызылорда, күндіз Ақмола, Ақтөбе, Қостанай, Солтүстік Қазақстан, Павлодар, Шығыс Қазақстан облыстарының кей жерлерінде желдің екпіні 15-20 м/с құрайды. Солтүстік Қазақстан, Павлодар облыстарында түнде және таңертең тұман болады.
Еске салайық, синоптиктер 5 мамыр күні ауа райының нашарлауына байланысты 7 өңірде ескерту жариялады.