14:46, 07 Қазан 2020 | GMT +6

4,5 мыңға жуық медицина қызметкері МӘСҚ-тан төлем алды

НҰР-СҰЛТАН. ҚазАқпарат - COVID-19-бен күресуге тартылған 4 494 медицина қызметкері коронавирустық инфекцияны немесе вирустық пневмонияны жұқтырған жағдайда мемлекеттік әлеуметтік сақтандыру қорынан (бұдан әрі – МӘСҚ) берілетін біржолғы әлеуметтік төлемді алды.

Сондай-ақ, МӘСҚ аурудың салдарынан қайтыс болған 45 медицина қызметкерінің туыстарына төлемді аударды, деп хабарлайды ҚазАқпарат ҚР Еңбек және халықты әлеуметтік қорғау министрлігінің баспасөз қызметіне сілтеме жасап.

Бұдан бұрын хабарланғандай, жоғарыда аталған төлем төленетін медицина қызметкерлерін өңірлердің және республикалық маңызы бар қалалардың денсаулық сақтау басқармалары жанындағы арнайы комиссиялар ауырған медицина қызметкерлерін тексеру нәтижесі негізінде анықтайды.

Өтінімдерді жинақтауды ҚР Денсаулық сақтау министрлігі жүзеге асырады, одан кейін өтінімдер электрондық іс макеттерін қалыптастыру үшін «Азаматтарға арналған үкімет» мемлекеттік корпорациясы» КЕАҚ-қа беріледі, содан соң төлем тағайындау үшін МӘСҚ-ға жіберіледі.

7 қазан сағат 9.00-дегі жағдай бойынша МӘСҚ COVID-19 немесе вирустық пневмония жұқтырған 4494 медицина қызметкерінің өтініші бойынша және аурудың салдарынан қайтыс болған 45 медицина қызметкеріне қатысты ақшалай қаражатты тағайындау мен төлеуді жүзеге асырды.

Тегтер:

Медицина Әлеуметтік қолдау Коронавирус Денсаулық Міндетті медициналық сақтандыру Әлеуметтік қамқорлық

Соңғы жаңалықтар

Одан да көп жаңалықтар біздің Телеграм-арнамызда!