«30 жылдыққа отыз аялдама»: Балқашта тағы бір әдеби аялдама пайда болды

None
None
БАЛҚАШ. ҚазАқпарат – Балқашта қазақ ғалымы және тарихшысы Шоқан Уәлихановтың құрметіне аялдама салынды.

Қалада Қазақстан Республикасының Тәуелсіздік күніне арналған «30 жылдыққа отыз аялдама» акциясы жалғасуда, деп хабарлайды ҚазАқпарат тілшісі.

Аялдама павильонын безендіру жобасы «Рухани жаңғыру» бағдарламасы аясында жүзеге асырылды.

Автобус аялдамасында қала тұрғындары ағартушы және шығыстанушы Шоқан Уәлихановтың өмірі және шығармашылығымен таныса алады. Ақпараттық баннерлерде ақын Абай Құнанбайдың, профессор Николай Веселовскийдің, ғалым Григорий Потаниннің пікірлері ұсынылған.

Аялдаманы безендіруге Балқаш қаласының ардагерлер кеңесі демеушілік көрсетті.

Бүгінгі таңда Балқаштағы қазақ халқының үздік тұлғаларының фотосуреттері келтірілген 12 аялдама безендірілген. Әдеби павильондар арасында музыкалық павильондар да бар. Мәдениет бөлімі композитор Мағауия Хамзиннің құрметіне Ленин көшесінде аялдама тұрғызылды. Шебер домбырашының күйлері мұнда күн сайын сағат 11:00-ден 18:00-ге дейін үзіліссіз естіледі. Сондай-ақ, балқаштықтар Құрманғазы, Тәттімбет, Нұрғиса Тілендиевтің басқа да танымал музыканттарының шығармаларын тыңдай алады.

Жақын арада қоғам қайраткері Ыбырай Алтынсариннің құрметіне аялдама пайда болады.


Соңғы жаңалықтар