30 маусым. Туған күн иелері
![None None](/static/img/plug.webp)
ЕСІМДЕР
Оңтүстік Қазақстан облысының Сарыағаш ауданында туған. Еңбек жолын ұстаздықтан бастаған. 1971-1976 жылдары - Сарыағаш аудандық «Қызыл Ту» газетінің қызметкері. 1976-1980 жылдары - облыстық телерадиокомитет редакторы. 1980-1987 жылдары - облыстық халық шығармашылығы орталығының бас маманы. 1987-2007 жылдары - облыстық «Қайырымдылық» қорының төрайымы, облыстық «Қазақ тілі» қоғамының төрайымы, облыстық мәдениет басқармасының бастығы, Ш. Қалдаяқов атындағы облыстық филармонияның директоры қызметтерін атқарған. Шымкенттегі саяси қуғын-сүргін құрбандары мұражайының директоры.
«Қанат қақты», «Бұлтсыз аспан», «Жұлдызым», «Жангүлім», «Жан айқайы», «Махаббат мәңгілік», «Жыр кітабы», «Сыр кітабы», «Шындыққа қарай жүздім» атты прозалық кітаптардың авторы. «Парасат» орденімен және «Қазақстан Республикасы Тәуелсіздігінің 10 жылдығы» мерекелік медалімен марапатталған.
Өзбекстан Республикасында туған. Бүкілодақтық кинематография институтын бітірген. «Қазақфильм» киностудиясының кинорежиссері, Қазақстан Кинематографияшылар одағының хатшысы, Қазақстан Республикасы Президенті баспасөз қызметінің сектор меңгерушісі қызметтерін атқарған. 1997-2001 жылдары - Қазақстан Республикасы Президенті Телерадиокешені бас директорының орынбасары, Алматы телеорталығының директоры. 2001-2002 жылдары - «Хабар» агенттігінің бас продюсері. 2002-2007 жылдары Ш. Айманов атындағы «Қазақфильм» ұлттық компаниясының бас директоры.
«Шеңбер», «Ұлдар», «Мен Абайды әке деймін», «Қиянат», «Астана - жаңа ел ордасы», «Мүмкін емес ештеңе жоқ», «Бейтаныс Назарбаев», т.б. толық және қысқаметражды деректі фильмдерді қойып, кейбірінің сценарийін жазды.
Техника ғылымдарының докторы, профессор. 250 ғылыми мақала, жеті патент, төрт монография, тоғыз оқулық пен ғылыми әдістемелердің авторы, ол бес кандидат пен бір ғылым докторын, қырықтан астам магистрант дайындап шығарған. 2013-2016 жылдары «Қазақстан Ғарыш Сапары» ҰК АҚ президентінің міндетін атқарушы, 2016 жылы тамыз-желтоқсанда - «Қазақстан Ғарыш Сапары» ҰК АҚ президенті, ҚР қорғаныс және аэроғарыш өнеркәсібі вице-министрі (2016-2019), ҚР цифрлық даму, қорғаныс және аэроғарыш өнеркәсібі вице-министрі (2019 жылғы сәуір-желтоқсан аралығында). Қазіргі қызметінде – 2020 жылдың қаңтар айынан бастап.
2013 жылы «Әлемдік ғылымға қосқан үлесі үшін» даңқ орденімен және оған қоса «Ғылымдағы есім» құрметті атағымен марапатталған. Мемлекеттік, үкіметтік және өзге де марапаттары: «Құрмет» ордені, «Қазақстан Тәуелсіздігіне 20 жыл», «ҚР Конституциясына 10 жыл», «ҚР Парламентіне 10 жыл» медальдары, «ҚР білім беру ісінің Құрметті қызметкері», «Қазақстан Республикасы ғылымын дамытуға қосқан жетістіктері үшін» белгілері, ҚР БҒМ Құрмет грамотасы; ҚР Тұңғыш Президенті Н.Ә. Назарбаевтың Алғыс хаты.
Оңтүстік Қазақстан облысында дүниеге келген. Қазақ мемлекеттік университетін бітірген. 2-сыныпты Төтенше және Өкілетті Елші. Еңбек жолы: 1993-1996 жылдары - Қазақстан Республикасы Сыртқы істер министрлігі Азия елдері басқармасының атташесі, үшінші хатшысы. 1996-1999 жылдары - Қазақстан Республикасы Кореядағы Елшілігінің үшінші, екінші хатшысы. 1999-2000 жылдары - Қазақстан Республикасы Сыртқы істер министрлігі Азия, Таяу Шығыс және Африка елдері департаментінің бірінші хатшысы, Екіжақты ынтымақтастық департаментінің бөлім бастығы. 2001-2003 жылдары - Қазақстан Республикасы Израильдегі Елшілігінің кеңесшісі, ҚР істерінің Израильдегі Уақытша сенімді өкілі. 2003-2004 жылдары - Қазақстан Республикасы Сыртқы істер вице-министрі. 2004 жылдан бастап ҚР Малайзиядағы Төтенше және Өкілетті Елшісі, 2005 жылдан бастап Қазақстанның Индонезиядағы, Бруней Даруссаламдағы және Филиппин Республикасындағы Төтенше және өкілетті елшісі қызметін қоса атқарды. 2009 жылдан бастап ҚР Женевадағы БҰҰ бөлімшесіндегі және басқа да халықаралық ұйымдардағы тұрақты өкілі, Қазақстанның Швейцариядағы Төтенше және Өкілетті елшісі, еліміздің Лихтенштейн княздігіндегі және Ватикан мемлекетіндегі дипмиссиясының басшысы міндетін қоса атқарушы. 2016-2019 жылдары ҚР Сыртқы істер министрінің бірінші орынбасары. Қазіргі қызметінде 2021 жылғы қаңтар айынан бері.
Алматы қаласында туған. Қазақ мемлекеттік университетін бітірген. Абай, тарих және құқық пәнінің мұғалімі (1993), Қазақстан Республикасы Сыртқы істер министрлігінің Дипломатиялық академиясы, халықаралық қатынастар саласындағы маман (2001).
Еңбек қызметі: Қазақстан Республикасы Сыртқы істер министрлігі ТМД елдері бөлімінің референті (1993-1994), Қазақстан Республикасы Сыртқы істер министрлігі ТМД елдері департаментінің атташесі (02.1994-06.1994), Қазақстан Республикасы Сыртқы істер министрлігі Еуропа елдерінің атташесі (1994-1995), Қазақстан Республикасы Сыртқы істер министрі Хатшылығының үшінші хатшысы (Министрдің көмекшісі) (05.1995-11.1995), Қазақстан Республикасы Корея Республикасындағы Елшілігінің үшінші хатшысы (1995-1997), Қазақстан Республикасы Корея Республикасындағы Елшілігінің екінші хатшысы (1997-1999), Екіжақты ынтымақтастық департаменті Америка секциясының бірінші хатшысы (2001-2002), «ҚазТрансГаз» ЖАҚ бас директорының көмекшісі (01.2002-09.2002), «ҚазТрансГаз» ЖАҚ экономикалық талдау бөлімінің бас менеджері (09.2002-10.2002), «ҚазТрансОйл» ЖАҚ әкімшілік бөлімінің меңгерушісі (2002-2003), «ҚазМұнайГаз» ҰК ЖАҚ Ұйымдастыру және құжаттамалық қамтамасыз ету департаменті директорының орынбасары (05.2003-11.2003), «ҚазМұнайГаз» ҰК ЖАҚ кеңсесінің сыртқы байланыстар секторының бас менеджері (11.2003-12.2003), Батыс Қазақстан облысы әкімі аппараты басшысының орынбасары (2004-2007), Батыс Қазақстан облысы әкімі аппаратының басшысы (02.2007-09.2007), Оңтүстік Қазақстан облысы әкімі аппараты басшысының орынбасары (2007-2009), Қазақстан Республикасы Қоршаған ортаны қорғау министрлігінің ұйымдастыру-кадр жұмысы және құжат айналымы директорының орынбасары, Қоршаған ортаны қорғау министрлігі Экологиялық реттеу және бақылау комитеті төрағасының орынбасары (2009-2011), Қазақстан Республикасы Қоршаған ортаны қорғау вице-министрі (2011-2012), Қазақстан Республикасы Сыртқы істер министрлігі Алматы қаласындағы өкілдігінің басшысы (2012 жылдан).
Алматы қаласында туған. «Тұран» университетінде халықаралық экономикалық қатынастар мамандығы бойынша білім алған. Израиль мен Польшада стажировкадан өткен. Еңбек жолы: Мәдениет мәселелері жөніндегі республикалық орталықтың экономика жөніндегі маманы (1997), «БИКО» баспа үйінің маркетинг жөніндегі маманы (1998-1999), 2001-2004 жылдары - «Новости Недели» ЖШС, тілші, саясат бөлімінің меңгерушісі, 2004-2006 жылдары - «Қазақстан» РТРК» АҚ Ақпараттық-сараптамалық бағдарламалар дирекциясының шеф-редакторы, директордың орынбасары, «ҚазМұнайГаз» ҰК» АҚ-ның бас менеджері, «Infinity Communication» ЖШС креатив директоры қызметтерін атқарған. Сондай-ақ, 2008-2010 жылдары - «Нұр Медиа» ЖШС бас директорының бірінші орынбасары, 2011-2013 жылдары - «Түркі академиясы» коммерциялық емес акционерлік қоғамының вице-президенті, 2014 жылдың шілде айынан қыркүйекке дейін - «Астана ЭКСПО-2017» Ұлттық компаниясы» АҚ-ның басқарушы директоры, 2014-2017 жылдары - «ҚазБизнесМедиа» ҚҚ-ның президенті лауазымдарында қызмет еткен. 2017-2020 жылдары - «ҚазАқпарат» халықаралық ақпарат агенттігі» ЖШС бас директоры қызметін атқарды. 2020-2021 жылдары «ҚазАқпарат» халықаралық ақпарат агенттігі» АҚ басқарма төрағасы; 2021-2022 жылдары Қазақстан Республикасы Ақпарат және қоғамдық даму вице-министрі қызметін атқарды.
2022 жылдың қаңтар айынан бастап қазіргі қызметінде.