3 наурыз күні елімізде болатын шаралар аңдатпасы

None
None
НҰР-СҰЛТАН. ҚазАқпарат - «ҚазАқпарат» ақпарат агенттігі 3 наурыз күні елімізде болатын шаралар тізімін ұсынады.

09.30-да Сенатта Экономикалық саясат, инновациялық даму және кәсіпкерлік жөніндегі комитеттің «Қазақстан Республикасының Үкіметі мен Ресей Федерациясы Үкіметі арасындағы Байқоңыр кешеніне газ жеткізу туралы келісімді ратификациялау туралы»,

«Дүниежүзілік пошта одағының Конституциясына тоғызыншы қосымша хаттаманы ратификациялау туралы» заң жобаларын қарау жөніндегі кеңейтілген отырысы өтеді.

10.00-де Қазақстан Республикасы Мемлекеттік қызмет істері агенттігінде Агенттік төрағасының орынбасары Дархан Жазықбаевтың төрағалығымен Әдеп жөніндегі комиссияның отырысы өтеді.

11.00-де «Парасат» бизнес орталығының 1-қабатындағы конференция залда «Қазақстанның тұрғын үй құрылысы нарығындағы ахуал мен болашақ және отандық құрылыс компанияларының жаппай банкроттығы» тақырыбында дөңгелек үстел отырысы өтеді.

11.00-де «Нұр Отан» партиясы Қонаев 12/1 ғимаратында студенттер жатақханаларын бақылау нәтижелері және «Таза сессия» акциясының екінші кезеңі туралы брифинг өтеді.

11.00-де. Сейфуллина, 37 мекенжайында Қазақстан Республикасы сыбайлас жемқорлыққа қарсы іс-қимыл агенттігі брифинг өткізеді.

11.30 ҚР Сыртқы істер министрлігінде Еуропалық бизнес-қоғамдастықпен өзара іс-қимыл жасауға арналған дөңгелек үстел өтеді.

15.00-де ҚР Ұлттық музейінде «Үнділік Сари: Ескірмейтін Әсемдік» атты Дәстүрлі Үнділік тоқыма өнімдерінің көрмесі өтеді.

16:20-да ҚР Президенті жанындағы Орталық коммуникациялар қызметінің алаңында Нұр-Сұлтан қаласы бойынша Экономикалық тергеу департаментінің 2019 жылғы жұмыс қорытындысы мен бюджет қаражатын ұрлау және көлеңкелі экономикамен күресу бойынша қабылданып жатқан шаралар туралы баспасөз маслихаты өтеді.


АЛМАТЫ

17.00-де Arte галереясында Абай атындағы қазақ мемлекеттік академиялық опера және балет театрының жаңа маусымының жоспарлары туралы баспасөз мәслихаты өтеді.


Соңғы жаңалықтар