2019 жылы 136 мың отбасы мұқтаждықтан шықты - Үкіметтің кеңейтілген отырысы

None
None
НҰР-СҰЛТАН. ҚазАқпарат - 2019 жылы 136 мың отбасы мұқтаждықтан шықты. Бұл туралы Үкіметтің кеңейтілген отырысында ҚР Премьер-Министрінің орынбасары Бердібек Сапарбаев айтты, деп хабарлайды ҚазАқпарат тілшісі.

«Халықтың тұрмыс жағдайын жақсарту бойынша сіздің берген тапсырмаңызды орындау үшін Үкімет өткен жылы 2 млн 700 мың адамның, 770 мың мұғалімнің, дәрігерлердің, әлеуметтік, мәдениет, өнер, спорт, архив салалары қызметкерлерінің жалақысын 30 пайызға ұлғайтты. Зейнетақы, жәрдемақы орта есеппен 7-20 пайызға көбейді. Бұларға берілетін қаржы былтырғымен салыстырғанда 300 млрд теңгеге артып, 3 трлн 300 мрлд теңгені құрады», - деді Президент Қасым-Жомарт Тоқаевқа есеп берген Үкімет басшысының орынбасары.

Оның атап өтуінше, 550 мың азаматтың борыштық жүктемесі, яғни 1,2 млн өсімпұлы кешірілді. Бұл мақсатқа бюджеттен жалпы 149 млрд теңге жұмсалды.

«315 мың отбасыға атаулы әлеуметтік көмек көрсетілді. Соның нәтижесінде 136 мың отбасы мұқтаждықтан шықты. 150 мыңы жеке шаруа қожалығын дамытты. 94 мың адам жұмыспен қамту шарасымен қамтылды. Соның нәтижесінде 8,5 мың отбасы өзінің кәсібін ашты. Оған қоса жергілікті билік пен демеушілердің қолдауымен 2,2 млн қазақстандыққа 80 млрд теңгенің көмегі көрсетілді», - деді Бердібек Сапарбаев.







Соңғы жаңалықтар