11:54, 26 Шілде 2017 | GMT +6
2018 жылы «Еуровидение» Лиссабонда өтеді
АСТАНА. ҚазАқпарат - 2018 жылы Португалияның Лиссабон қаласында «Еуровидение» халықаралық ән байқауы өтеді. Мұндай шешімді португалиялық телеарна мен Еуропа хабарламалық одағы қабылдады.
Бұдан бөлек, жартылай финалдың 8-10 мамыр аралығында, ал финалдың 12 мамыр күні өтетіні белгілі болды.
Португалия «Еуровидение-2018» байқауын өткізу құқығына биыл мамырда Украинада өткен фестивальде әнші Сальвадор Собралдың жеңісінен кейін ие болды.