02:40, 02 Сәуір 2020 | GMT +6
2 сәуірде бірқатар облыстарда жауын жауады
НҰР-СҰЛТАН. ҚазАқпарат – Қазгидромет 2 сәуірге арналған ауа райы болжамын ұсынады, деп хабарлайды ҚазАқпарат.
Республиканың басым бөлігінде атмосфералық ауа ағындардың өтуіне байланысты оңтүстік-шығыста түнде және таңертең таулы аймақтарда қатты жаңбыр, солтүстікте түнде жауын-шашын (жаңбыр, қар) жауады, тек батыста жауын-шашынсыз ауа-райы күтіледі.
Республика бойынша кей жерлерде тұман, желдің күшеюі, оңтүстік-шығыста найзағай күтіледі.
Жамбыл, Түркістан, Қызылорда облыстарының кей жерлерінде тұман түседі, желдің жылдамдығы 15-20, күндіз екпіні 23-28 м/с жетеді.
Алматы облысының кей жерлерінде күндіз жел 15-20 м/с дейін күшейеді, Жалаңашкөл ауданында желдің екпіні 25 м/с күтіледі.
Шығыс Қазақстан облысының кей жерлерінде түнде және таңертең тұман күтіледі, кей жерлерде жел 15-20 м/с жылдамдықпен соғады.
Күндіз Павлодар, Атырау облыстарының кей жерлерінде жел 15-20 м/с күшейді. Маңғыстау, Қостанай, Қарағаңды облыстарының кей жерлерінде тұман түседі.