01:28, 17 Сәуір 2021 | GMT +6
17 сәуір күнгі ауа райы болжамы
НҰР-СҰЛТАН. ҚазАқпарат – 17 сәуір күні республиканың батыс, солтүстік-батыс және оңтүстігінде атмосфералық фронталды бөліктердің өтуіне байланысты кей жерлерде жаңбыр мен найзағай күтіледі, түнгі уақыттарда солтүстік-батыста жауын-шашын болады. Еліміздің басым бөлігінде жауын-шашынсыз күн райы сақталады. Кей жерлерде тұман түсіп, жел күшейеді. ҚазАқпарат бұл туралы «Қазгидромет» РМК-ға сілтеме жасап хабарлайды.
Атап айтқанда, Алматы, түнде Павлодар, күндіз Батыс Қазақстан, Атырау облыстарының кей жерлерінде жел 15-20 м/с күшейеді. Атырау облысында түнде және таңертең кей жерлерде тұман күтіледі.
Қостанай, Ақтөбе, Маңғыстау облыстарының кей жерлерінде тұман болжанады.