14 қыркүйектегі Қазақстанда өтетін маңызды оқиғаларға шолу
НҰР-СҰЛТАН
Сағат 9.00-де Үкімет үйінде Үкімет отырысы өтеді. Отырыстың күн тәртібінде санитарлық-эпидемиологиялық жағдай, Қазақстан Республикасының әлеуметтік-экономикалық дамуының қорытындылары және 2021 жылғы қаңтар-тамыздағы Республикалық бюджеттің атқарылуы, 2021-2022 жылдарға арналған жылу беру кезеңіне дайындық барысы қаралады.
Тікелей көрсетілім PrimeMinister.kz сайты мен Mail.KZ, Aitube.kz порталдарында, YouTube ресми каналында және Facebook, Twitter, «ВКонтакте» әлеуметтік желілерінде беріледі.
Сағат 12.30-да ҚР Президенті жанындағы Орталық коммуникациялар қызметінде «Қостанай және Солтүстік Қазақстан облыстарында коронавирус инфекциясының таралуына жол бермеу жөніндегі шаралар туралы» тақырыбында баспасөз конференциясы өтеді.
Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz.
Сағат 15.00-де «Сарыарқа» ауданының әкімдігінде елордалық үкіметтік емес ұйым өкілдері Президенттің «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауын талқылайды.