Валюта бағамдары:
    usd/kzt 460.95 eur/kzt 487.18

    rub/kzt 8.66 cny/kzt 68.91
Ауа райы:
Нұр-Сұлтан: 1 °С
Алматы: 15 °С

1 шілдеден бастап мемлекеттік сатып алуға рейтингілік-балдық жүйе енгізіледі

2022 жылғы 19 мамыр 13:36

НҰР-СҰЛТАН. ҚазАқпарат – 2022 жылдың 1 шілдесінен бастап құрылыс саласындағы мемлекеттік сатып алуға рейтингілік-балдық жүйе енгізіледі. Бұл жайында ҚР Қаржы вице-министрі Дәурен Кеңбейіл айтты, деп хабарлайды ҚазАқпарат тілшісі.

«Бірінші шілдеден бастап ілкі жоба ретінде рейтингілік-балдық жүйені сынап көрмекпіз. Заңға ол кіргізілген. Бірақ, іс жүзінде 1 шілдеден бастап жүзеге асырмақпыз. Ол құрылыс-монтаж жұмыстарын сатып алу кезінде автоматты режимде жұмыс істейді. Демек, жүйе құрылыс жұмыстарын жүргізетін жеткізушіні, яғни мердігерді автоматты режимде іріктеп алады», - деді Дәурен Кеңбейіл Қаржы министрлігі мен Дүниежүзілік банк бірлесіп өткізген семинар аясында БАҚ өкілдеріне берген сұхбатында.

Вице-министрдің түсіндіруінше, жүйе қызмет көрсетушіні оның мәліметтерін салық органдарынан сұрау, жұмыс тәжірибесін зерделеу арқылы автоматты режимде таңдап алады.

«Жүйе мұның барлығын автоматты түрде жинақтайды және балл беру арқылы жұмыс жеткізушіні іріктейді», - деді ол.


Автор:

Марлан Жиембай

Новости по теме
Ұқсас жаңалықтар