17:12, 28 Сәуір 2018 | GMT +6
1 мамырда Қарағанды облысында қар жауады
ҚАРАҒАНДЫ. ҚазАқпарат - Қарағанды облысында 1 мамырда ауа температурасы төмендеп, қар жауады, деп хабарлайды ҚазАқпарат тілшісі.
«1 мамырда қар аралас жаңбыр жауып, кей жерлерде батыстан екпінді жел соғады», - деді Қарағанды облыстық «Қазгидромет» РМК бөлімшесінде.
Синоптиктердің ақпараты бойынша, 1 мамыр күндіз өңірде секундына 9-14 метрлік солтүстік-батыстан жел еседі, кей жерлерде оның екпіні секундына 18 метр болуы ықтимал. Сондай-ақ, ауа температурасы күндіз 8 градус жылы, түнде 0 градус болуы мүмкін.