20:31, 18 - ماۋسىم 2021 | GMT +6
ۋكراينالىق نوكاۋتشى WBC تيتۋلى بار قازاقستاندىقپەن جۇدىرىقتاسۋدان باس تارتتى
نۇر-سۇلتان. قازاقپارات - ۋكراينالىق بوكسشى ستانيسلاۆ سكوروحود (20-2، 17 ك و) ءبىرىنشى ورتا سالماقتا ونەر كورسەتەتىن قازاقستاندىق تۇرسىنباي قۇلاحمەتكە (3-0، 2 KO) قارسى جەكپە-جەككە قاتىسا المايتىن بولدى.
بۇل تۋرالى Vesti.kz تىلشىسىنە وقيعاعا جاقىن دەرەككوز ايتىپ بەردى.
ولاردىڭ كەزدەسۋى 10- شىلدە كۇنى الماتىدا وتەتىن بوكس كەشىنىڭ باستى كەزدەسۋى بولۋ كەرەك ەدى. قازاقستاندىقتىڭ قارسىلاسى جاراقات الىپ، جاقىن ارادا شارشى الاڭعا شىعا المايتىن كورىنەدى.
قۇلاحمەت سوڭعى كەزدەسۋىن ءساۋىر ايىندا دۋبايدا (ب ا ءا) وتكىزدى. ول ايقاستا بوكسشى ۆەنەسۋەلالىق ەبەر روندوندى (20-1، 13 ك و) 70 سەكۋندتا نوكاۋتقا ءتۇسىرىپ، ءوزىنىڭ WBC International بەلبەۋىن قورعاپ قالدى.
ال سكوروحود بولسا وتكەن جىلدىڭ شىلدەسىنەن بەرى شارشى الاڭعا شىققان جوق. سوڭعى كەزدەسۋىندە ول وتانداسى ۆلاديسلاۆ تانتسيۋرانى (2-8، 1 ك و) تەحنيكالىق نوكاۋتپەن جەڭگەن بولاتىن.