19:20, 14 - قازان 2020 | GMT +6
تۇرسىنباي قۇلاحمەت WBC International تيتۋلى ءۇشىن ايقاسادى
نۇر- سۇلتان. قازاقپارات - قازاقستان بوكسشىسى تۇرسىنباي قۇلاحمەت (1-0، 1ك و) ءبىرىنشى ورتا سالماقتاعى WBC International ۆاكانتتى اتاعى ءۇشىن جەڭىلىپ كورمەگەن بريتاندىق ماكولەي ماكگوۋەمەن ايقاسادى، دەپ حابارلايدى قازاقپارات ءتىلشىسى.
قازاقستان كاسىپقوي بوكسىنىڭ ۆكونتاكتە پاراقشاسىندا جاريالانعان اقپاراتقا قاراعاندا، جەكپە- جەك 11-قاراشا كۇنى ۇلى بريتانيانىڭ ۋەيكفيلد قالاسىندا، Production Park Studios ارەناداعى MTK Fight Night بوكس كەشى اياسىندا وتەدى. ەستەرىڭىزگە سالا كەتسەك، تۇرسىنباي قۇلاحمەت كاسىبي رينگتەگى العاشقى جەكپە- جەگىن 23-تامىز كۇنى الماتىدا وتكىزىپ، وندا وتانداسى ساعادات راحمانقۇلوۆتى (6-2، 4 ك و) ۋاقىتىنان بۇرىن جەڭگەن ەدى.