قىتايدا تۇراتىن قازاق فايتەرى UFC تۋرنيرىندە جەڭىسكە جەتتى

None
None
نۇر-سۇلتان. قازاقپارات - قىتايدان شىققان قازاق فايتەرى سايران نۇردانبەك UFC تۋرنيرىندە جەڭىسكە جەتتى، دەپ حابارلايدى Vesti.kz ءتىلشىسى.

26 جاستاعى سپورتشى لاس-ۆەگاستاعى (نيەۆادا، ا ق ش) UFC Vegas 57 تۋرنيرىنە قاتىستى. جارتىلاي ورتا سالماقتا سايران امەريكالىق تي دجەي براۋنمەن جەكپە-جەك وتكىزدى.

ءبىرىنشى راۋندتا ەكەۋى دە اشىق توبەلەس كورسەتىپ بىرنەشە سوققىلاردى الما-كەزەك وتكىزىپ جاتتى.

ەكىنشى بەس مينۋتتا سوققىلار سانى بويىنشا نۇردانبەك الدا بولدى.

ال ءۇشىنشى راۋندتا بەلسەندىلىگىن سوڭىنا دەيىن ساقتاعان قىتايلىق قازاق تورەشىلەر شەشىمىمەن جەڭىسكە جەتتى.

بۇل نۇردانبەكتىڭ امەريكالىق پروموۋشەندەگى ءۇشىنشى كەزدەسۋىندەگى ەكىنشى جەڭىسى بولدى.

ەسكە سالايىق، اتالمىش تۋرنيردە قازاقستان اتىنان شىققان شاۆكات راحمونوۆ پەن سەرگەي موروزوۆ ءوز قارسىلاستارىنان باسىم ءتۇستى.

سوڭعى جاڭالىقتار