+7 (701) 759 90 19
-11 °С : نۇر-سۇلتان
-1 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

قازاقستاندىق جەكپە-جەك شەبەرى UFC تۋرنيرىندە جەڭىسكە جەتتى

25 قازان 09:54
:ءبولىسۋ
قازاقستاندىق جەكپە-جەك شەبەرى UFC تۋرنيرىندە جەڭىسكە جەتتى

نۇر-سۇلتان. قازاقپارات - قازاقستاندىق ارالاس جەكپە-جەك شەبەرى شاۆكات راحمونوۆ ءابۋ-دابيدە ءوتىپ جاتقان UFC 254 تۋرنيرىندە جەڭىسكە جەتتى، دەپ حابارلايدى قازاقپارات ءتىلشىسى.

ش. راحمونوۆ ورتا سالماقتا تاجىريبەلى برازيليالىق الەكس وليۆەيرامەن (22-8-1-2) وكتاگونعا شىقتى.

جەكپە-جەك ءۇش راۋندقا ەسەپتەلگەنىمەن، كوپكە سوزىلمادى. ءبىرىنشى راۋندتا-اق قازاقستاندىق جەكپە-جەك شەبەرى باسەكەنى تۇنشىقتىرۋ ادىسىمەن اياقتادى.

بۇل 26 جاستاعى ش. راحمونوۆتىڭ UFC جارىسىنداعى العاشقى تابىسى ەدى. وسىلايشا ول ارالاس جەكپە-جەكتەن بارلىعى 13 كەزدەسۋ وتكىزسە، سونىڭ بارىندە قارسىلاستارىن مەرزىمىنەن بۇرىن تىزە بۇكتىردى.

ال برازيليالىق سپورتشى ارالاس جەكپە-جەكتە 10 جىلدان بەرى ونەر كورسەتىپ كەلەدى. سوڭعى بەس جىلدا UFC تۋرنيرىندە باق سىناپ، 18 كەزدەسۋىنىڭ 11 ءىن ۇتتى. بۇل ونىڭ توعىزىنشى جەڭىلىسى ەدى.

ش. راحمونوۆ جەكپە-جەك سوڭىندا بەرگەن سۇحباتىندا قازاقستاننىڭ تۋىن بيىكتە جەلبىرەتۋ زور باقىت ەكەندىگىن، كەشە بولعان تۋعان كۇنىنە ءوزىنىڭ وسىلايشا تارتۋ جاساعانىن مالىمدەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات