09:21, 11 - مامىر 2021 | GMT +6
ەلوردادا Toyota Camry اۋىر جۇك كولىكتىڭ استىنا كىرىپ كەتتى
نۇر- سۇلتان. قازاقپارات - ەلوردادا جەڭىل كولىك جولدىڭ قاراما قارسى باعىتىنداعى Shacman اۋىر جۇك كولىگىنە سوعىلدى، دەپ حابارلايدى قازاقپارات نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«10-مامىردا نۇر- سۇلتان قالاسىنىڭ 102 نومىرىنە جول- كولىك وقيعاسى تۋرالى حابارلاما كەلىپ ءتۇستى. ءال- فارابي داڭعىلىمەن ءجۇرىپ كەلە جاتقان Toyota Camry كولىگىنىڭ 51 جاستاعى جۇرگزۋشىسى جولدىڭ قاراما- قارسى جولاعىنا شىعىپ كەتىپ، وندا 32 جاستاعى جۇرگىزۋشى ايداپ كەلە جاتقان Shacman اۋىر جۇك كولىگىمەن سوقتىعىسقانى انىقتالدى»، دەلىنگەن حابارلامادا.
جول اپاتى سالدارىنان Toyota Camry كولىگىنىڭ جۇرگىزۋشىسى وقيعا ورنىندا قايتىس بولدى. اتالعان فاكتى بويىنشا تەرگەۋ امالدارى جۇرگىزىلىپ جاتىر. قالالىق پوليسيا دەپارتامەنتى جۇرگىزۋشىلەردى جولدا ساق بولىپ، جول قوزعالىسى ەرەجەسىن قاتاڭ ساقتاۋ كەرەكتىگىن ەسكەرتەدى.