11:19, 18 - قىركۇيەك 2020 | GMT +6
Tengri Bank ليتسەنزياسىنان ايىرىلدى
نۇر- سۇلتان. قازاقپارات - 2020 -جىلدىڭ 18 -قىركۇيەگىندە قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى (اگەنتتىك) «Tengri Bank» ا ق- سىن بارلىق بانك وپەراتسيالارىن جۇرگىزۋ ليتسەنزياسىنان ايىرۋ تۋرالى شەشىم قابىلدادى.
قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى وتەماقىنىڭ ۇلتتىق ۆاليۋتادا تولەنەتىن ءمالىم ەتتى. ونىڭ سوماسى: - تەڭگەدەگى جيناق سالىمدارى (دەپوزيتتەر) بويىنشا 15 ميلليون تەڭگەدەن؛
- ۇلتتىق ۆاليۋتاداعى وزگە دەپوزيتتەر بويىنشا 10 ميلليون تەڭگەدەن؛
- شەتەل ۆاليۋتاسىنداعى دەپوزيتتەر بويىنشا 5 ميلليون تەڭگەدەن اسپاۋعا ءتيىس.
سالىمشىدا ءتۇرى مەن ۆاليۋتاسى بويىنشا ءارتۇرلى بىرنەشە كەپىلدىك بەرىلگەن دەپوزيتتەر بولعان جاعدايدا، ولار بويىنشا 15 ميلليون تەڭگەگە دەيىن جيىنتىق كەپىلدىك بەرىلگەن وتەماقى تولەنەدى.