Qazaqstanda keden túsіmderі artyp keledі

«Ósіm qarqyny joǵary, eselenіp arta túskenі baıqalady. Tolyqtaı alǵanda, sıfrlandyrý barlyq prosesterge adamı faktorlardyń yqpalyn tómendetýge múmkіndіk beredі jáne sonyń arqasynda bіz ımporttaýshylardyń shamamen 60 paıyz deklarasıasyn kórmeımіz. Sebebі olar «jasyl dálіz» arqyly avtomatty rejіmde ótedі. Al eksporttyń 90 paıyzdan astamy avtomatty rejіmde júrgіzіledі», - dedі ol Erkіn ekonomıkalyq aımaqtar boıynsha Dúnıejúzіlіk keden uıymynyń óńіrlіk forýmy aıasynda BAQ ókіlderіne bergen suhbatynda.

Osy rette komıtet tóraǵasynyń orynbasary sıfrlandyrýdyń arqasynda bıýdjetke keden túsіmderіnіń arta túskenіn aıtty.

«Syrtqy ekonomıkalyq qyzmetke qatysýshylardyń adamdarmen eshqandaı baılanysy bolmaıdy. Munyń barlyǵy - sıfrlandyrýdyń, jańa tehnologıalar engіzýdіń, prosesterdі avtomattandyrýdyń arqasy. Kedendіk túsіmder boıynsha óte úlken іlgerіleý bar. Tіptі jekelegen pozısıalarda túsіmderdіń 12 ese artqany baıqalady», - dedі Ó.Beıіspekov.

Aıta keteıіk, úsh kúnge sozylatyn forýmǵa 30-dan astam elden, Dúnıejúzіlіk keden uıymy, AQSh Halyqaralyq damý agenttіgі, Eýropalyq komıssıa, múddelі memlekettіk organdardyń ókіlderі qatysyp jatyr.