الماتىدا «Jasyl Almaty» جوباسى بويىنشا ميلليون ءتۇپ اعاش وتىرعىزىلادى

None
None
الماتى. قازاقپارات- الماتىدا 2,2 ميلليون اعاش بار، ولاردىڭ 550 ءىن ەمدەۋ قاجەت. بۇل تۋرالى قالا باسشىسى باقىتجان ساعىنتايەۆ ءوزىنىڭ Instagram-عى پاراقشاسىندا جازدى، دەپ حابارلايدى قازاقپارات ءتىلشىسى.

«قالامىزدى كەڭ كولەمدە جاسىلداندىرۋ بويىنشا كەڭەس وتكىزدىم. قازىر الماتىدا 2,2 ميلليون اعاش بار، الايدا ولاردىڭ 550 ءى ەمدەۋدى قاجەت ەتەدى. كۇزدە «Jasyl Almaty» ءۇش جىلدىق جوبانى باستاۋدى ۇسىنامىن، ونىڭ بارىسىندا قالا بويىنشا كەم دەگەندە ميلليون ءتۇپ اعاش وتىرعىزىلاتىن بولادى. ەڭ الدىمەن الاتاۋ، ناۋرىزباي، جەتىسۋ، المالى اۋداندارىندا. ءبىز جاڭا ىقشام اۋدانداردى، كوشەلەر مەن اۋلالاردى جاسىلداندىرىپ، بۇكىل مەگاپوليس بويىنشا تۇرعىندار دەمالاتىن ايماقتار، جاڭا بۋلۆارلار مەن سكۆەرلەر جاساۋعا ءتيىسپىز.

بۇل اۋقىمدى ءارى پايدالى ءىس. جاسىل ەكونوميكا باسقارماسى بۇل شاراعا بارلىق ەكولوگيالىق ۇ ە ۇ مەن ازاماتتىق بەلسەندىلەردى، جەكە بيزنەستى، ىزگى نيەتتى قالالىقتاردى كەڭىنەن تارتقانى ءجون. ەگەر ءاربىر الماتىلىق ءبىر اعاشتان وتىرعىزسا، وندا قالا ەكولوگياسىنىڭ وزگەرەتىنىنە سەنىمدىمىن. كەلىڭىزدەر، ءبارىمىز بىرىگىپ، الماتىعا جاسىل قالا داڭقىن قايتارايىق، سول ءۇشىن ماقتاناتىن بولامىز»، - دەپ جازدى قالا باسشىسى.

سوڭعى جاڭالىقتار