كوروناۆيرۋس: جابىق كەشەندەگى IX ازيا چەمپيوناتى قىتايدا وتپەيتىن بولدى

None
None
نۇر-سۇلتان. قازاقپارات - قىتايدىڭ ۋحان قالاسىندا (حۋبەي پروۆينتسياسى) تاراعان كوروناۆيرۋس اۋرۋىنا بايلانىستى حانچجوۋدا جوسپارلانعان جابىق كەشەندەگى IX ازيا چەمپيوناتى وتپەيتىن بولدى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتى حابارلاعانداي، قۇرلىقتىق بىرىنشىلىك 12-13- اقپان كۇندەرى قىتايدىڭ حانچجوۋ قالاسىندا ءوتۋى ءتيىس بولعان. الايدا، قازاقستان جەڭىل اتلەتيكا فەدەراتسياسىنىڭ باسپا ءسوز قىزمەتىنە جارىستىڭ وتپەيتىندىگى تۋرالى ازيا جەڭىل اتلەتيكا قاۋىمداستىعىنان حات كەلگەن. وندا جارىستىڭ بولمايتىنى تۋرالى ايتىلعان. باسقارما پرەزيدەنتى داحلان ال-حاماد قۇرلىقتىق قاۋىمداستىق اتىنان ۆيرۋستىڭ تارالۋىنا الاڭداۋلى ەكەنىن جەتكىزگەن.

ەستەرىڭىزگە سالا كەتەيىك، وسىعان دەيىن ۋحاندا 3-14- اقپان ارالىعىندا وتەتىن 2020-جىلعى توكيو وليمپياداسىنا ازيا/تىنىق مۇحيتى ەلدەرىنىڭ بوكسشىلارىن ىرىكتەۋدى كەيىنگە قالدىرۋ شەشىمى قابىلدانعان بولاتىن.

كەيىننەن بۇل اتالعان ىرىكتەۋ تۋرنيردى حالىقارالىق وليمپيادا كوميتەتىنىڭ جۇمىس توبى 3-11- ناۋرىز ارالىعىندا يوردانيانىڭ اممان قالاسىندا وتكىزەتىن بولىپ شەشتى.

اۆتور: كۇنسۇلتان وتارباي

سوڭعى جاڭالىقتار