ۇلى بريتانيا حانشايىمى II ەليزاۆەتانىڭ كۇيەۋى حانزادا فيليپپ قايتىس بولدى

حانزادا ەليزاۆەتا پاتشايىم بولاردان بەس جىل بۇرىن، ياعني 1947 -جىلى وتاۋ قۇرعان. بۋكينگەم سارايىنىڭ مالىمدەمەسىندە: «ۇلى مارتەبەلى پاتشايىم سۇيىكتى كۇيەۋى، ەدينبۋرگ گەرتسوگى، ۇلى مارتەبەلى حانزادا ءفيليپپتىڭ قايتىس بولعانىن قاتتى قايعىرا وتىرىپ، حابارلادى»، - دەپ جازادى قازاقپارات BBC - گە سىلتەمە جاساپ.

«جوعارى مارتەبەلى حانزادا بۇگىن تاڭەرتەڭ ۆيندزور سارايىندا ومىردەن ءوتتى».

ەدينبۋرگ گەرتسوگى وتكەن ايدا ەمدەلۋدەن كەيىن اۋرۋحانادان شىققان بولاتىن. حانزادا فيليپپ پەن پاتشايىمنىڭ ءتورت بالاسى، سەگىز نەمەرەسى جانە 10 شوبەرەسى بار. ولاردىڭ ءبىرىنشى ۇلى ۋەلس حانزاداسى چارلز 1948 -جىلى دۇنيەگە كەلگەن. ونىڭ اپكەسى، حانشايىم ەنن 1950 -جىلى، 1960 -جىلى يورك گەرتسوگى ەندريۋ حانزادا جانە 1964 -جىلى ۋەسسەكس گرافى حانزادا ەدۋارد دۇنيەگە كەلدى. حانزادا فيليپپ 1921 -جىلى 10-ماۋسىمدا گرەكيانىڭ كورفۋ ارالىندا دۇنيەگە كەلگەن. ونىڭ اكەسى گرەكيا مەن دانيا حانزاداسى ەندريۋ، I گەورگتىڭ كەنجە ۇلى بولعان. ال اناسى حانشايىم اليسا ۆيكتوريا پاتشايىمنىڭ شوبەرەسى بولعان.