ديماش قۇدايبەرگەننىڭ «DIMASH DIGITAL SHOW» كونسەرتى قايتادان كورسەتىلەدى

كوپتەگەن Dears- ءتىڭ وتىنىشىنە بايلانىستى شوۋ 31- قاڭتاردا نۇر-سۇلتان ۋاقىتىمەن 20:00 دە قايتادان كورسەتىلەدى، دەپ حابارلايدى قازاقپارات Dimashnews.com عا سىلتەمە جاساپ.

Tixr ستريمينگ پلاتفورماسى مەن ديماش «DIMASH DIGITAL SHOW» كونسەرتىنىڭ قايتالاۋىن كورسەتەدى، بۇل قازاقستاندىق ورىنداۋشى شىعارماشىلىعىنىڭ جانكۇيەرلەرىنە بارلىق بىرىككەن Dears- ءتىڭ سيقىرىن سەزىنە وتىرىپ، ونلاين-چاتتا تاعى دا جۇزدەسۋلەرىنە مۇمكىندىك بەرەدى.

بيلەتتەرى بار جانكۇيەرلەرگە قايتادان بيلەت ساتىپ الۋدىڭ قاجەتى جوق. ولار بيس شوۋدى قولدا بار بيلەتتەر بويىنشا تاماشالاي الادى. ولاردى ساتىپ الۋعا ءالى ۇلگەرمەگەن جانكۇيەرلەر 31- قاڭتارعا دەيىن ساتىپ الۋى كەرەك.

بۇدان باسقا، 31- قاڭتار كۇنى نۇر-سۇلتان ۋاقىتى بويىنشا ساعات 22:30 دا «DIMASH DIGITAL SHOW» كورسەتىلىمىنەن كەيىن كوپتەن كۇتكەن «Post-Show QA session» تىكەلەي ەفيرى وتەدى. شارا بارىسىندا جانكۇيەرلەر ديماشتى كورۋگە، وعان سۇراقتار قويۋعا، ونلاين-كونسەرت تۋرالى اسەرلەرىمەن بولىسۋگە، سونداي-اق ءارتىستىڭ جوسپارلارى تۋرالى بىلۋگە مۇمكىندىك الادى.

ەسكە سالا كەتەيىك، ديماش قۇدايبەرگەننىڭ ونلاين كونسەرتىن 100 ەلدەگى جانكۇيەرلەر تاماشالاعان بولاتىن. DIMASH DIGITAL SHOW ديماشتىڭ كوروناۆيرۋس پاندەمياسى باستالعان ساتتەن بەرگى العاشقى جاھاندىق ونەر كورسەتۋى بولدى.

ايتا كەتەيىك، جاقىندا عانا ا ق ش پرەزيدەنتى دجو بايدەننىڭ يناگۋراتسيالاۋ اپتالىعىنىڭ اشىلۋىنا ارنالعان سالتاناتتى ءىس-شارادا ديماش قۇدايبەرگەن قازاقتىڭ «سامالتاۋ» حالىق ءانىن ورىنداعان ەدى.