COVID-19-دىڭ ءۇندىستاندا تاراپ جاتقان شتامى قىتايعا جەتتى
ءساۋىر ايىنىڭ سوڭىندا كاتماندۋدان (نەپال) چۋڭچين قالاسىنا كەلگەننەن كەيىن قىتايلىق مەگاپوليستىڭ اۋەجايىندا ءۇش جولاۋشىنىڭ COVID-19-عا تاپسىرعان تەستىلەرى وڭ ناتيجە كورسەتكەن. جەرگىلىكتى اۋرۋدى باقىلاۋ جانە الدىن الۋ ورتالىعى ءۇش پاتسيەنت كوروناۆيرۋستىڭ جاڭا شتاممىن ءۇندىستاندا جۇقتىرۋى مۇمكىن ەكەنىن حابارلادى. ەپيدەميولوگيالىق تەكسەرۋ ەسەبىندە اتالعان ءۇش ازاماتتىڭ بۇعان دەيىن ءۇندىستان مەن نەپالدىڭ قالالارىنا ساپار شەككەنى، كەيىننەن «كاتماندۋ- چ چۋڭچين « اۋە رەيسى ارقىلى قىتايعا ورالعانىن ايتىلعان.
بۇعان دەيىن قىتايدىڭ اۋرۋدى باقىلاۋ جانە الدىن الۋ ورتالىعىنىڭ باس ەپيدەميولوگى ۋ تسزۋنيۋ كوروناۆيرۋستىڭ ءۇندىستاندا انىقتالعان B.1.617 شتاممى قىتايدىڭ بىرنەشە قالاسىندا تىركەلگەنىن ايتقان بولاتىن.
«بەيسەنبى كۇنگى جاعداي بويىنشا قۇرلىقتىق قىتايدا COVID-19 جۇقتىرۋدىڭ 13 جاڭا دەرەگى تىركەلگەن. ولاردىڭ بارلىعى شەتەلدەن «اكەلىنگەن»، - دەلىنگەن ق ح ر- دىڭ دەنساۋلىق ساقتاۋ ىستەرى جونىندەگى مەملەكەتتىك كوميتەتتىڭ ەسەبىندە.
اۆتور: رۋسلان سۇليەمەنوۆ