د د س ۇ باسشىسى COVID-19 پاندەمياسىن باقىلاۋعا الۋ مەرزىمىن بولجادى

None
None
نۇر- سۇلتان. قازاقپارات - COVID-19 كوروناۆيرۋس ينفەكسياسىنى الداعى ۋاقىتتا باقىلاۋعا الىناتىنىن شامالاۋعا نەگىز بار. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى (د د س ۇ) تەدروس گەبرەيەسۋس مالىمدەدى، دەپ حابارلايدى قازاقپارات.

«بىزدە پاندەميانى بىرنەشە ايدىڭ ىشىندە باقىلاۋعا الۋ ءۇشىن ارنايى قۇرالدار بار. ول ءۇشىن ءبىز بۇلاردى رەت رەتىمەن قولدانا ءبىلۋىمىز قاجەت»، - دەگەن گەبرەيەسۋستىڭ سوزدەرىن كەلتىردى د د س ۇ سايتى.

سونىمەن بىرگە، ماماننىڭ ايتۋىنشا، بۇكىل الەمدە COVID-19 ۆيرۋسىنىڭ 25-59 جاس ارالىعىنداعى ادامدار اراسىندا تارالۋىنىڭ «قاۋىپتى قارقىنى» الاڭداۋشىلىق تۋدىرىپ وتىر. 19 -ساۋىردە گەبرەيەسۋس الەمدە كوروناۆيرۋس ينفەكتسياسىنا شالدىعۋ قارقىنى سەگىزىنشى اپتا قاتارىنان ءوسىپ جاتقانىن ءمالىم ەتتى.

ونىڭ ايتۋىنشا، وسى ۋاقىت ارالىعىندا ۇيىمعا SARS- CoV-2 ۆيرۋسىن جۇقتىرۋدىڭ 5,2 ملن وقيعاسى تۋرالى حابارلاما كەلگەن. COVID-19 ۆيرۋسىنا شالدىققان پاتسيەنتتەر اراسىنداعى ءولىم- ءجىتىم بەسىنشى اپتا قاتارىنان ءوسىپ كەلەدى.

سوڭعى جاڭالىقتار