COVID-19: الەمدە 1,5 ميلليون ناۋقاس كوز جۇمدى

بۇل - امەريكالىق دجونس حوپكينس ۋنيۆەرسيتەتىنىڭ سوڭعى مالىمەتى. دۇنيەجۇزىلىك دەنساۋلىق ساقتاۋ ۇيىمىنىڭ حابارلاۋىنشا، سوڭعى ءبىر تاۋلىكتە عالامدا ۆيرۋس 750 مىڭعا جۋىق ادامنان انىقتالعان.

بۇل - ىندەت تارالعالى بەرگى ەڭ جوعارعى تاۋلىكتىك كورسەتكىش. دەرتتى جۇقتىرۋ دەرەگىنىڭ باسىم بولىگى سولتۇستىك پەن وڭتۇستىك امەريكا، ەۋروپا جانە وڭتۇستىك شىعىس ازيادا تىركەلىپ وتىر.

رەسەيدە ءبىر اپتا ىشىندە كوروناۆيرۋس جۇقتىرعاندار سانى 179987 ادامعا ارتتى. بۇل تۋرالى جاڭا ينفەكتسيامەن كۇرەس جونىندەگى فەدەرالدى جەدەل شتاب ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

ءبىر اپتاداعى اۋرۋعا شالدىققاندار سانى قىركۇيەكتەگى ءبىر ايلىق كورسەتكىشپەن شامالاس.

ەسكە سالا كەتەيىك، قىركۇيەك ايىندا جالپى سانى 180967 ادام ۆيرۋس جۇقتىرعان ەدى. انىقتالعان جاعدايلار سانى وتكەن اپتاداعى كورسەتكىشتەن %10,1 ارتىق.

وتكەن اپتادا 163504 پاتسيەنت اۋرۋعا شالدىققان بولاتىن. ءولىم جاعدايلارىنىڭ دا سانى ارتتى. سوڭعى جەتى كۇندە 3348 ادام ىندەتتەن كوز جۇمعان. ال وتكەن اپتادا قايتىس بولعان ناۋقاستار سانى 2993 ادامدى قۇراعان ەدى. ءبىر اپتادا رەسەيدە كوروناۆيرۋس دياگنوزى قويىلعان 166014 پاتسيەنت اۋرۋحانادان شىعارىلدى.

وتكەن اپتادا ونىڭ سانى 155458 ادام بولعان ەدى. ەمدەلىپ شىققان رەسەيلىكتەردىڭ ۇلەسى %76,4 دان %77,6 عا دەيىن ءوستى.

ا ق ش- تا وتكەن تاۋلىكتە 205 مىڭنان استام ادامنىڭ ۆيرۋس جۇقتىرعانى انىقتالىپتى. بۇل - ەلدە ىندەت تارالعاننان بەرگى ەڭ جوعارى تاۋلىكتىك كورسەتكىش. بۇعان دەيىن قاراشانىڭ 21 ءى كۇنى 195 مىڭنان اسا ادام ۆيرۋسقا شالدىققان ەدى. كەي ماماندار روجدەستۆو مەرەكەسىنەن كەيىن ناۋقاستار سانى كۇرت ءوسۋى مۇمكىن دەپ وتىر.

بيلىك كەلەسى اپتادان باستاپ اۋرۋحانالارعا ۆيرۋسقا قارسى ۆاكتسينا جەتكىزىلەتىنىن حابارلادى. بۇل تۋرالى پرەزيدەنت دونالد ترامپ مالىمدەدى. ەكپە ەڭ الدىمەن دارىگەرلەر مەن قارت ادامدارعا سالىنادى.

مەكسيكادا كوروناۆيرۋستان ءبىر كۇندە 645 ادام قايتىس بولدى. قارالى حاباردى وسى ەلدىڭ دەنساۋلىق ساقتاۋ مينيسترلىگىنىڭ باسپا ءسوز قىزمەتى جەتكىزدى.

لاتىنامەريكا ەلىندە كوۆيدتەن كوز جۇمعاندار قاتارى 104 مىڭنان اسقان. سونىمەن بىرگە وسىدان ەكى كۇن بۇرىن 8 مىڭ 107 تۇرعىننىڭ ىندەتتى جۇقتىرعانى انىقتالدى. وسىنىڭ الدىندا مەكسيكانىڭ سىرتقى ىستەر ءمينيسترى جەلتوقسان ايىنىڭ ورتاسىندا جاپپاي ەكپە شارالارى باستالاتىنىن مالىمدەگەن بولاتىن.

ونىڭ ايتۋىنشا، جەرگىلىكتى بيلىك ا ق ش پەن ەۋروپادا ازىرلەنىپ جاتقان ۆاكتسينالاردىڭ رەسمي كۋالىك العانىن كۇتىپ وتىر. پورتۋگاليا استاناسىندا ىندەتپەن كۇرەس ماقساتىندا پوليتسەيلەر كولىكتەردى تەكسەرە باستادى.

جاڭا شەكتەۋلەر بويىنشا تۇنگى ساعات 11 دەن تاڭعى 5 كە دەيىن ءبىر جەردەن ەكىنشى مەكەنگە ساپار شەگۋگە تىيىم سالىنعان. الداعى دۇيسەنبىدەن باستاپ بارلىق مەكتەپتەر جابىلىپ، كاسىپورىنداردىڭ جۇمىس ۋاقىتى قىسقارتىلادى. شارا ۇلتتىق مەرەكەلەر الدىندا ىندەتتىڭ ءورشۋىن توقتاتۋ ءۇشىن قولعا الىنعان.

پورتۋگاليادا ۆيرۋس جۇقتىرعاندار سانى 300 مىڭعا تاقادى. سوڭعى تاۋلىكتە ۆيرۋس 5 مىڭ ادامنان انىقتالعان.

بەلگيادا قاتاڭ كارانتين مەن كومەندانتتىق ساعات قاڭتاردىڭ 15 ىنە دەيىن ۇزارتىلدى. تارتىپكە ساي بارلىق كاسىپورىن مەن كومپانيا قاشىقتان جۇمىس ىستەۋىن جالعاستىرادى. مەيرامحانالار مەن ءدامحانالار، مادەني جانە ويىن-ساۋىق ورىندارى دا اشىلمايدى. بارلىق جەكە مەرەكە-كەشتەردى ۇيىمداستىرۋعا تىيىم كۇشىندە قالدى. ءار وتباسى ۇيىنە تەك ءبىر قوناق قانا شاقىرا الادى. ءتارتىپتى بۇزعاندارعا 250 ەۋرو كولەمىندە ايىپپۇل سالىنادى.

تەك جەلتوقساننىڭ 1 ىنەن باستاپ ازىق-تۇلىك دۇكەندەرىنەن باسقا دا دۇكەندەردى اشۋ تۋرالى شەشىم قابىلداندى.

بەلگيادا سوڭعى 2 اپتادا 3,5 مىڭنان استام ادام ۆيرۋس جۇقتىرىپ، ناۋقاستاردىڭ جالپى سانى 16 مىڭنان اسقان.

فرانسيادا جەلتوقسان ايىنىڭ ورتاسىنا قاراي ەلدەگى ەپيدەميولوگيالىق احۋال تولىق باقىلاۋعا الىنادى. ماتەماتيكالىق ەسەپ جۇرگىزگەن ەل بيلىگى سانيتارلىق تالاپتار تولىق ورىندالار بولسا، ەلدە ۆيرۋس جۇقتىرۋدىڭ تاۋلىكتىك دەڭگەيى 5 مىڭعا دەيىن تومەندەيتىنىن ايتادى.

قازىر بۇل كورسەتكىش 17 مىڭنىڭ توڭىرەگىندە. سوعان قاراماستان، فرانسيادا دۇكەندەر مەن ساۋدا ورتالىقتارى قايتا اشىلدى. ءبىراق ولار ءبىرقاتار تالاپتى قاتاڭ ساقتاۋى ءتيىس. ياعني ساۋدا ورتالىقتارىندا ءاربىر ساتىپ الۋشى ءۇشىن 8 شارشى مەتر جەر قاراستىرىلۋى كەرەك. سونىمەن قاتار ادامدار قوزعالىسى تەك ءبىر باعىتتا بولۋى ءتيىس. بۇدان بولەك، جەلتوقساننىڭ ورتاسىندا ەلدەگى لوكداۋندى كومەندانتتىق ساعاتپەن الماستىرۋ كوزدەلگەن.

جالپى فرانسۋز جۇرتى قالىپتى ومىرگە قاڭتاردىڭ 20 سىنان كەيىن ورالادى. سەبەبى وسى كۇننەن باستاپ ەلدەگى بارلىق شەكتەۋ شارالارى الىنىپ تاستالادى. كافە-بارلار دا جۇمىس ىستەي باستايدى.

ەلدىڭ پرەمەر-ءمينيسترى ءۇش اي بويى قىزمەتىن توقتاتىپ، شىعىنعا بەلشەدەن باتقان بۇل سالاعا بارىنشا قولداۋ كورسەتەتىنىن جەتكىزدى.

گەرمانيادا كوروناۆيرۋستى جۇقتىرۋ دەرەكتەرىنىڭ سانى ءبىر ميلليوننان اسىپ كەتكەن. الەمدە بۇل مەجەدەن اسقان 12 مەملەكەت بار. كوبى ەۋروپا جانە لاتىن امەريكاسىنىڭ ەلدەرى. وسىعان دەيىن گەرمانيادا ەپيدەميولوگيالىق احۋالدىڭ ناشارلاۋىنا بايلانىستى قاراشانىڭ باسىندا جاريالانعان لوكداۋن ۇزارتىلاتىنى بەلگىلى بولدى. بۇل ەلدىڭ بيلىگى روجدەستۆو مەن جاڭا جىلدا ۆيرۋستىڭ ودان ءارى ءورشىپ كەتۋىنە جول بەرمەۋدىڭ جولىن قاراستىرىپ وتارى.

پاكىستاندا بارلىق وقۋ ورىندارى كارانتينگە جابىلدى. ساۋدا ورتالىقتارى مەن بازارلاردا شەكتەۋ شارالارى كۇشەيتىلدى. ءبىلىم بەرۋ مەكەمەلەرى الداعى جىلدىڭ 10-قاڭتارىنا دەيىن اشىلمايدى.

ايتا كەتەيىك، سوڭعى مالىمەت بويىنشا پاكىستاندا كوروناۆيرۋس ينۆەكتسياسىن جۇقتىرعاندار سانى 382 مىڭ ادامنان اسقان. مەديتسينا قىزمەتكەرى ياسين اكباردىڭ ايتۋىنشا، قازان ايىندا كۇنىنە كوروناۆيرۋس جۇقتىرعان 14 ناۋقاسقا تۇسەتىن.

ال قازىر ولاردىڭ سانى 70 كە جەتكەن. بۇل ىندەتتى توقتاتۋدىڭ بىردەن ءبىر قاراپايىم جولى بەتپەردە كيۋ جانە قولدى ۇنەمى تازالاپ ءجۇرۋ.

ءۇندىستاندا حالىقتى كوروناۆيرۋسقا قارسى ەگۋگە دايىندالىپ جاتىر. العاشقى لەكتىڭ ءوزى 30 ميلليون تۇرعىندى قامتيدى. بۇل ءۇندىستانداعى ۆاكتسيناتسيالاۋ تۋرالى ۇلتتىق كوميتەتى تاراتقان مالىمەت. قاۋىپتى ۆيرۋسقا قارسى ەكپە الدىمەن دارىگەرلەرگە، پوليتسيا قىزمەتكەرلەرىنە، جاسى ەلۋدەن اسقان تۇرعىندار مەن سوزىلمالى اۋرۋى بار ادامدارعا سالادى.

ەكپە سالۋ كەلەسى جىلدىڭ ناۋرىزىنان مامىر ايىنا دەيىن دەيىنگى ارالىقتا ىسكە اسىرىلماق. بيلىك دەرتكە قارسى ۆاكتسينا بارلىق سىناقتاردان ءوتىپ، قاۋىپسىزدىك تالاپتارىنا ساي بولۋى قاداعالاناتىنىن ايتادى.