قازاقستاندا «Bus Lane» جولاعىمەن كولىكتىڭ بارلىق ءتۇرىنىڭ جۇرۋىنە رۇقسات ەتىلەدى

None
None
نۇر- سۇلتان. قازاقپارات - قازاقستاندا «Bus Lane « جولاعىمەن كولىكتىڭ باسقا تۇرلەرىنىڭ جۇرۋىنە رۇقسات بەرىلەتىن ۋاقىت بەلگىلەنبەك، دەپ حابارلايدى قازاقپارات ءتىلشىسى.

مۇنداي وزگەرىس ق ر ىشكى ىستەر مينيسترلىگىنىڭ اكىمشىلىك پوليسيا كوميتەتى ازىرلەگەن ۇكىمەت قاۋلىسىنىڭ جوباسىندا كوزدەلگەن.

اتالعان جوبادا «جول ءجۇرىسى قاعيدالارىن، كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى، كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى- گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 -جىلعى 13-قاراشاداعى № 1196 قاۋلىسىنا «Bus Lane « جولاعىمەن تەك قوعامدىق كولىكتەردىڭ ءجۇرۋ ۋاقىتى تاڭەرتەڭ 2 ساعات، ال كەشكە 3 ساعات بولىپ وزگەرتۋ ەنگىزىلمەك.

«2. 5.9، 5.10.1 - 5.10.3 بەلگىلەرىمەن بەلگىلەنگەن مارشرۋتتىق كولىك قۇرالدارىنا ارنالعان جولاعى بار جولداردا ساعات 07:30 دان 9:30 عا دەيىن جانە ساعات 17:00 دەن 20:00 ۋاقىت ارالىعىندا قوعامدىق كولىكتەردىڭ ءجۇرۋى جۇزەگە اسىرىلادى جانە ايالدايدى (قاعيدالاردىڭ 24- ءبولىمىنىڭ 2 -جانە 4-تارماقتارىندا كوزدەلگەن جاعدايلاردى قوسپاعاندا)، قالعان ۋاقىتتاردا جانە دەمالىس كۇندەرى وسى جولاقتا قوعامدىق كولىكتەردەن باسقا كولىك قۇرالدارى ءجۇرۋ جانە ايالداۋ جۇزەگە اسىرىلادى»، - دەلىنگەن جاريا تالقىلاۋعا شىعارىلعان قاۋلىدا.

سوڭعى جاڭالىقتار