قازاقستان- شىڭجاڭ كاسىپكەرلەرىنىڭ ونلاين كەزدەسۋى ءوتتى - شەتەلدەگى قازاق ءتىلدى ب ا ق- قا شولۋ

None
None
نۇر- سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قازاقستان- شىڭجاڭ كاسىپكەرلەرىنىڭ ونلاين كەزدەسۋى ءوتتى - «حالىق گازەتى»


29 - ماۋسىمدا قىتايدىڭ شىڭجاڭ- قازاقستان كاسىپكەرلەرىنىڭ ونلاين بىرلەسكەن تۇڭعىش كونفەرەنسياسى ءوتتى.

قىتاي مەن قازاقستاننىڭ 120-دان استام كاسىپورىن وكىلدەرى توقىما جانە تىگىن كيىمدەرى، جەڭىل ونەركاسىپ تەحنولوگياسى، اۋىل شارۋاشىلىعى ونىمدەرى جانە باسقا دا سالالارداعى ىنتىماقتاستىققا باسا نازار اۋداردى.

بۇل تۋرالى وسى اپتادا قىتايدىڭ «حالىق گازەتى» اقپاراتتىق پورتالى حابارلادى. اتالعان ب ا ق- تىڭ دەرەگىنشە، قىتايدىڭ الماتىداعى باس كونسۋلدىعىنىڭ كوممەرتسيالىق كەڭەسشىسى ليۋي انتسي شىڭجاڭنىڭ قازاقستانمەن ەكونوميكا مەن ساۋدانى دامىتۋدا بىرەگەي گەوگرافيالىق جانە مادەني ارتىقشىلىقتارعا يە ەكەنىن، «ءبىر بەلدەۋ، ءبىر جول» جوباسىن جۇرگىزۋدە قىتايدىڭ شىڭجاڭ مەن قازاقستان ىنتىماقتاستىعىن ۇزدىكسىز تەرەڭدەتۋ كەرەكتىگىن ايتتى.

شىڭجاڭ ولكەلىك ساۋدا دەپارتامەنتى ديرەكتورىنىڭ ورىنباسارى رون تسزيۋن جيىندا بيىلعى جىلى شىڭجاڭنىڭ ساۋدا باسقارماسى قازاقستانمەن نەگىزگى سەرىكتەس ەل رەتىندە ونلاين بىرلەسكەن ءىس- شارانىڭ التى سەرياسىن وتكىزەتىنىن جانە ونلاين سەرىكتەسۋدىڭ ساپاسى مەن تيىمدىلىگىن ارتتىرۋعا بارىنشا نازار اۋداراتىنىن ايتتى.

«كەزدەسۋدە قازاقستاننان 2000 توننا زىعىر جانە 5000 توننا كۇنباعىس تۇقىمىن يمپورتتاۋ بويىنشا ىنتىماقتاستىق تۋرالى حاتتاماعا قول قويدى»، دەپ جازادى قىتايلىق ب ا ق.

ستيليست ايسۇلۋ ازامات قىزى قىزمەتىنىڭ قىر- سىرى جايلى ايتىپ بەردى - KAZNEWS


قازاقستاندىق ستيليست ايسۇلۋ ازامات قىزى بايان- ولگەي ايماعىندا «الەم سەنىمەن ادەمى» اتتى ماستەر كلاسس وتكىزدى. ءسان الەمىندەگى مارتەبەلى ماماندىقتىڭ يەسى - ايسۇلۋ ازامات قىزى قازىرگى قىزمەتىنىڭ قىر- سىرى جايلى ايتىپ بەردى، دەپ حابارلايدى kaznews.

ستيليست ايسۇلۋ الدىمەن ءوزى جايلى جانە ماماندىق تاڭداۋ تۋرالى ويىن بولىسكەن. موڭعوليالىق ب ا ق- تىڭ دەرەگىنشە، ايسۇلۋ ازامات قىزى بايان- ولگەي ايماعىندا تۋىپ وسكەنىمەن، 7 - سىنىپتا اتا- اناسىمەن بىرگە قازاقستانعا قونىس اۋدارعان. ءال- فارابي اتىنداعى قازاق ۇلتتىق ۋنيۆەرسيتەتىندە قازاق ءتىلى مەن ادەبيەتى ماماندىعىن بىتىرگەن. ونىڭ ايتۋىنشا، ادەبيەتكە جاقىندىعى ارعى تەگىنەن. اتاسى يماشحان بايباتىر ۇلى موڭعوليا جانە قازاقستان جازۋشىلار وداعىنىڭ مۇشەسى، اقىن، جازۋشى، دراماتۋرگ بولعان كىسى ەكەن.


ا. ازامات قىزى ماماندىعى بويىنشا جۇمىس جاساماعان. ءاۋ باستا سول ماماندىقپەن نان تابامىن دەپ وقىماعانىن تىلگە تيەك ەتەدى. ايسۇلۋ ازامات قىزى تۇرمىس قۇرىپ، بالا تاربيەسىمەن 8 جىل ۇيدە وتىرعان كەزدە شىعارماشىلىققا بەيىمدىلىگى ونى وسى ستيليستيكا ماماندىعىنا الىپ كەلگەن. ول قازىرگى ۋاقىتتا الماتى قالاسىندا ستيليست مامان رەتىندە جۇمىس ىستەيدى. ايسۇلۋ ازامات قىزى قىز- كەلىنشەكتەرگە ءساندى كيىنۋ جونىندە كەڭەستى ونلاين جانە وففلاين بەرەتىنىن ايتادى. ستيليست ايسۇلۋ سوڭىندا قازىرگى ىستەپ جۇرگەن جۇمىستارى ءتىلشىنىڭ قويعان سۇراقتارىنا جاۋاپ بەرگەن.

«وتانداستار» قورى مەن تۇرىكسوي اراسىندا مەموراندۋمعا قول قويىلدى - TRT


تۇرىكسوي باس حاتشىسى سۇلتان رايەۆ «وتانداستار» قورىنىڭ باسشىسى ابزال ساپاربەك ۇلىمەن كەزدەستى. تۇركىتىلدەس ەلدەر اراسىندا ىنتىماقتاستىق ارتىپ كەلەدى. ەندى «وتانداستار» قورى مەن تۇرىكسوي اراسىندا مەموراندۋمعا قول قويىلدى، دەپ حابارلايدى تۇركيا راديو تەلەديدار اگەنتتىگى.

تۇركيالىق ب ا ق- تىڭ دەرەگىنشە، قازاقستاننىڭ ەلورداسىندا «وتانداستار» قورى مەن تۇرىك مادەنيەتىنىڭ حالىقارالىق ۇيىمى تۇرىكسوي اراسىندا ىنتىماقتاستىق جونىندە مەموراندۋمعا قول قويىلعان.

اتالعان ءىس- شارادا تۇرىكسوي باس حاتشىسى سۇلتان رايەۆ قازاقستانداعى ساپارى بارىسىندا «وتانداستار» قورىنىڭ باسشىسى ابزال ساپاربەك ۇلىمەن كەزدەستى. تاراپتار ەكى ۇيىم اراسىنداعى ورتاق جۇمىستار مەن جاقىن بولاشاقتاعى جوبالاردى تالقىلادى. تۇرىكسوي باس حاتشىسى سۇلتان رايەۆتىڭ پىكىرىنشە، «وتانداستار» قورىمەن تۇرىكسوي اراسىندا ىنتىماقتاستىق بەلسەندى تۇردە جالعاسۋدا. بۇگىنگى قول قويىلعان مەموراندۋمعا سايكەس ەندى كەلىسىم شەڭبەرىندە تۇرىكسوي شەتەلدەردەگى قانداستارمەن بايلانىستى نىعايتپاق.

«وتانداستار» قورىنىڭ باسشىسى ابزال ساپاربەك ۇلىنىڭ ايتۋىنشا، «وتانداستار» قورى رەتىندە ەندىگى باسىمدىقتى - شەتەلدە ءومىر سۇرەتىن قازاقتار جانە وتانداستارىمىزدىڭ ءوز مادەنيەتىن، ادەت- عۇرپىن، ءتىلى مەن ونەرىن ساقتاپ قالۋى ءۇشىن قولىمىزداعى مۇمكىندىكتى بەرۋ. حالىقارالىق تۇرىكسوي ۇيىمىنىڭ وسى ماقساتتا قولداۋ كورسەتۋى وتە ماڭىزدى. ايتا كەتەيىك، اتالعان مەموراندۋمدا قازاق دياسپوراسىمەن بايلانىستى مادەني ءىس- شارالار، جوبالار مەن باعدارلامالار جاساۋعا، ونەر فەستيۆالدەرىن، كورمەلەر، ۇلتتىق مەيرامداردى بىرلەسە ۇيىمداستىرۋ جونىندە كەلىسىمدەر بار.

«سۇلتان رايەۆ قازاقستانداعى ساپارى بارىسىندا ايىرىقشا قازاقستان پارلامەنتى سپيكەرى ماۋلەن اشىمبايەۆپەن دە كەزدەستى. اشىمبايەۆ تۇرىكسويدىڭ تۇرىك الەمى ءۇشىن وتە ماڭىزدى ەڭبەك اتقارعانىن اتاپ كورسەتتى»، دەپ جازادى TRT.

يران مەن قازاقستاننىڭ ساۋدا اينالىمى 29 پايىزعا ءوستى - Parstoday

يران كەدەن باسقارماسىنىڭ باسپا ءسوز وكىلى رۋحوللا لاتيفيدىڭ ايتۋىنشا، يران مەن قازاقستان اراسىنداعى ساۋدا اينالىمىنىڭ 29 پايىزعا ارتقان، دەپ حابارلايدى Parstoday اقپاراتتىق اگەنتتىگى.

يراندىق ب ا ق- تىڭ كەلتىرگەن مالىمەتىنە سۇيەنسەك، وتكەن جىلى يران مەن قازاقستان اراسىندا قۇنى 365 ميلليون 200 مىڭ دوللار تۇراتىن 729 مىڭ تونناعا جۋىق جۇك الماسىلدى. بۇل تەك جىلمەن سالىستىرعاندا سالماق بويىنشا 71 پايىزعا جانە ەكونوميكالىق قۇن تۇرعىسىنان 29 پايىزعا ارتقانىن كورسەتەدى.

يران كەدەن باسقارماسىنىڭ باسپا ءسوز وكىلى ر. لاتيفيدىڭ پىكىرىنشە، 729 مىڭ تونناعا جۋىق جۇكتىڭ 187 ميلليون 200 مىڭ دوللار تۇراتىن 512 مىڭ توننادان استامىن يراننىڭ قازاقستانعا ەكسپورتى قۇرايدى. وتكەن جىلمەن سالىستىرعاندا سالماق تۇرعىسىنان 51 پايىزعا ارتتى. قازاقستاننان يرانعا قۇنى 78 ميلليون دوللار تۇراتىن 218 مىڭ توننا تاۋار يمپورتتالدى. ول وتكەن جىلمەن سالىستىرعاندا سالماق بويىنشا 141 پايىزعا، قۇن تۇرعىسىنان 108 پايىزعا ءوستى.

ايتا كەتەيىك، يراننىڭ قازاقستانعا جاسالعان ەكسپورتتىق تاۋارلارى مال جانە ەگىن شارۋاشىلىعى ونىمدەرى، ازىق- تۇلىك، قۇرىلىس ماتەريالدارى، تۇرمىس زاتتارى، مۇناي ونىمدەرى، ەلەكتروندى جابدىقتار، ونەركاسىپ تەحنيكالارى.

ابيبا ءابۋجاقىنوۆا تۋرنيردە قولا جۇلدە الدى - Kaznews


موڭعوليا استاناسى ۇلانباتىر قالاسىندا ءوتىپ جاتقان دزيۋدودان «Grand Slam» تۋرنيرىندە قازاقستان قۇراماسى 4 قولا جۇلدەگە يە بولدى. تۋرنيردە 48 كەلى سالماقتا سىنعا تۇسكەن قازاقستاندىق ابيبا ءابۋجاقىنوۆا حالىقارالىق دزيۋدو فەدەراتسياسى اتىنان سىنعا تۇسكەن سابينا گيلنيازوۆانى جەڭىپ، جارىستىڭ قولا جۇلدەسىن الدى.

بۇل تۋرالى موڭعوليانىڭ Kaznews اقپاراتتىق پورتالى حابارلادى.


بۇل سالماقتا جاپون پالۋانى ناتسۇمي تسۇنودا جەڭىمپاز اتانسا، موڭعوليالىق پالۋان گانبااتارىن نارانتسەسەگ كۇمىس جۇلدەنى يەلەندى. سونداي- اق، ەكىنشى قولا وڭتۇستىك كورەيالىق لي حە- كيۋۇن ەنشىسىندە.


«48 كەلى سالماقتا قازاقستان ابىرويىن بۇعان دەيىن حالىقارالىق جارىستاردا موڭعوليالىق لەگيونەر گالبادراح وتگونتسەسەگ قورعاپ كەلگەن بولاتىن. ابيبا ءابۋجاقىنوۆاعا كەلەر بولساق 48 كەلى سالماقتا جاسوسپىرىمدەر اراسىنداعى الەم چەمپيوناتىنىڭ كۇمىس جۇلدەگەرى اتانعان. ونىڭ «Grand Slam» جارىستارىنداعى العان العاشقى جۇلدەسى ۇلانباتىردان بۇيىرىپ وتىر.

ال، گالبادراح وتگونتسەسەگ 2021 -جىلعى قاراشا ايىنان باستاپ سپورتتىق مانسابىن اياقتاپ، ەلگە ورالعان. گالبادراح وتگونتسەسەگ قازاقستان كومانداسىنىڭ نامىسىن ابىرويمەن قورعاعان لەگيونەر سپورتشىلاردىڭ ءبىرى بولعان»، دەپ جازادى موڭعوليالىق ب ا ق.

ايتا كەتۋ كەرەك، گالبادراح وتگونتسەسەگتىڭ سپورتتىق عۇمىرىنداعى ەڭ ءىرى جەڭىس - 2016 -جىلعى ريو وليمپياداسىنىڭ قولا جۇلدەسى. 48 كەلىدە قازاق ەلىنىڭ نامىسىن قورعاعان گالبادراح ەكى مارتە (2017, 2018) الەم چەمپيوناتىنىڭ قولا جۇلدەگەرى اتانىپ، 2018 -جىلى تاشكەنتتە وتكەن ازيا چەمپيوناتىندا توپ جارعان بولاتىن.

قازاقستاننىڭ ۇلتتىق قورعانىس ۋنيۆەرسيتەتىندە يراننىڭ العاشقى جاۋىنگەرلىك ونەرى بولمەسى اشىلدى - Parstoday


قازاقستاننىڭ ۇلتتىق قورعانىس ۋنيۆەرسيتەتىندە يراننىڭ العاشقى جاۋىنگەرلىك ونەرى بولمەسى اشىلدى. بۇل تۋرالى يراننىڭ Parstoday اقپاراتتىق اگەنتتىگى حابارلادى.

يراندىق ب ا ق- تىڭ كەلتىرگەن دەرەگىنە سۇيەنسەك، ي ي ر- نىڭ قورعانىس ديپلوماتياسىنىڭ دەڭگەيىن كوتەرۋ ماقساتىندا يراننىڭ جوعارى ۇلتتىق قورعانىس ۋنيۆەرسيتەتى قازاقستان ۇلتتىق قورعانىس ۋنيۆەرسيتەتىندە قارۋلى كۇشتەردىڭ جاۋىنگەرلىك ونەرى بولمەسىن اشتى. ي ي ر سوعىس ونەرى كابينەتىنىڭ اشىلۋ سالتاناتى قازاقستان رەسپۋبليكاسىنىڭ استاناسى نۇر- سۇلتان قالاسىندا يران دەلەگاتسياسى مۇشەلەرىنىڭ جانە يير- نىڭ وسى ەلدەگى ءبىرقاتار اسكەري بولىمشەلەرىنىڭ، سونداي- اق قازاقستاننىڭ جوعارى لاۋازىمدى اسكەري باسشىلارى مەن وڭتۇستىك كورەيانىڭ قازاقستانداعى اسكەري بولىمشەلەرى وكىلدەرىنىڭ قاتىسۋىمەن ءوتتى.

ايتا كەتەيىك، قازاقستاننىڭ ۇلتتىق قورعانىس ۋنيۆەرسيتەتىندە يران سوعىس ونەرى بولمەسىنىڭ قۇرىلۋىن قازاقستاننىڭ ۇلتتىق قورعانىس ۋنيۆەرسيتەتى ۇسىنىپ، يران قارۋلى كۇشتەرىنىڭ باس شتابى ماقۇلداعان.

اۆتور: بەيسەن سۇلتان

سوڭعى جاڭالىقتار