قىرعىزستان قىتايعا تولەيتىن قارىز قىسپاعىنان قالاي شىقپاق

None
None
نۇر- سۇلتان. قازاقپارات - قىرعىزستان قىتايعا قارىزىن وتەمەسە، ءىرى ينفراقۇرىلىمدىق جانە ەنەرگەتيكالىق نىساندارىنان ايىرىلىپ قالۋى مۇمكىن. بۇل تۋرالى ەل پرەمەر- ءمينيسترى اقىلبەك جاپاروۆ مالىمدەدى، دەپ حابارلايدى «حابار 24».

ۇكىمەت باسشىسىنىڭ پارلامەنت دەپۋتاتتارى الدىندا بۇلايشا دابىل قاعۋىنا نەگىز جوق ەمەس. سەبەبى الداعى 5 جىلدا قارىز بويىنشا ەڭ ءىرى تولەمدەر جاسالىپ ءبىتۋى كەرەك. بىشكەك جىلۋ ەلەكتر ستانسياسى، «داتكا- كەمين» جوعارى ۆولتتى ەلەكتر جەتكىزۋ جەلىسى جانە سولتۇستىك- وڭتۇستىك بالاما جولى. قىرعىزستان دەر كەزىندە قارىزىن وتەمەسە، تاپ وسى نىساندار سىرتقى باسقارۋعا اۋىسۋى مۇمكىن. ولاردى سالۋ مەن جوندەۋگە قاجەتتى قاراجات قىتايدان نەسيەگە الىنعان بولاتىن.

2012 -جىلى قىرعىزستان جوعارى ۆولتتى ەلەكتر جەتكىزۋ جەلىسى جانە كەمين جانە داتكا ستانسيالارى قۇرىلىسىنا 390 ميلليون دوللار العان. ال ءبىر جىلدان كەيىن قىتايدىڭ ەكسپورت- يمپورت بانكى بيشكەك جىلۋ ستانسياسىن قايتا قۇرۋعا 386 ميلليون دوللار ءبولدى.

اقىلبەك جاپاروۆ قىرعىزستان پرەمەر- ءمينيسترى:

تۋراسىن ايتساق، قىتاي ەكسپورت- يمپورت بانكى تاڭداعان كومپانيا وسى كاسىپورىنداردى باسقارادى. جاقىندا پاكىستان مەن شري- لانكاداعى جاعدايدى ءبارىمىز كوردىك. بۇل تۇساۋدان قۇتىلۋىمىز كەرەك. ءبارىمىز جۇمىلىپ، وسى ماسەلەنى شەشۋگە ءتيىسپىز.

ەنەرگەتيكالىق نىساندار سالىنىپ بىتسە دە، سولتۇستىك- وڭتۇستىك بالاما جولىنىڭ قۇرىلىسى ءالى اياقتالعان جوق. 2015 -جىلى قىتاي ۇكىمەتىنەن 300 ميلليون دوللار مولشەرىندە باستاپقى نەسيە الۋ تۋرالى كەلىسىمگە قول قويىلعاننان كەيىن جول قۇرىلىسى باستالدى. 433 شاقىرىمدىق جولدىڭ جالپى قۇنى - 850 ميلليون دوللار. ءۇش كەزەڭگە بولىنگەن جوبانىن بۇگىندە ەكى كەزەڭى اياقتالدى.

باقىت باكەتايەۆ، ساياساتتانۋشى:

- پرەمەر مينيستر ەلگە تونگەلى تۇرعان قاتەر تۋرالى ەسكەرتكىسى كەلگەن سەكىلدى. قابىلدانىپ جاتقان شارالار ونىڭ دا كوڭىلىنەن شىقپايتىنى انىق. ءبىراق قاراجاتتى تابۋ ءۇشىن وسىلاي جاساۋعا ءماجبۇر. سوڭعى دەرەك بويىنشا قىرعىزستاننىڭ سىرتقى قارىزى 4 ميلليارد 221 ميلليون دوللار. ونىڭ 42 پروتسەنتىن قىتاي الدىنداعى بورىش قۇرايدى. كەلەسى جىلدان باستاپ قارىزدى وتەۋگە كەتەتىن قاراجات مولشەرى كۇرت وسەدى. ال 2027 -جىلدان باستاپ قىتايعا جىل سايىن 400 ميلليون دوللاردان تولەۋگە ءتيىس.

اۆتورى: باقىت چەرماشيەۆ

سوڭعى جاڭالىقتار