ۋكراينا رەسەي ازاماتتارى ءۇشىن ۆيزا رەجيمىن ەنگىزدى

None
None
ماسكەۋ. تاسس-قازاقپارات - ۋكراينا 1- شىلدەدەن باستاپ رەسەي ازاماتتارىنا ۆيزا رەجيمىن ەنگىزدى.

بۇل تۋرالى قازاقپارات تاسس اگەنتتىگىنە سىلتەمە جاساپ حابارلايدى.

كيەۆتەگى ديپلوماتيالىق قاتىناستاردىڭ ءۇزىلۋى جانە رەسەي فەدەراتسياسىنداعى ۋكراينا ەلشىلىگى مەن كونسۋلدىقتارىنىڭ قىزمەتى توقتاعاندىقتان، رەسەيلىكتەر كورشى ەلگە كىرۋ ءۇشىن VFS Global كومپانياسىنىڭ سىرتقى قىزمەت جەتكىزۋشىسىنىڭ ورتالىقتارىنا بارىپ، ۆيزاعا ءوتىنىش بەرۋى ءتيىس.

كومپانيا بولىمشەلەرى سەگىز قالادا - ماسكەۋ، سانكت-پەتەربۋرگ، ەكاتەرينبۋرگ، كالينينگراد، قازان، نوۆوسيبيرسك، دونداعى روستوۆ جانە سامارادا ورنالاسقان.

وسىدان كەيىن، ۋكراينا س ءى م حابارلاعانداي، ۆيزاعا وتىنىشتەردى ءۇشىنشى ەلدەردەگى ۋكراينانىڭ ديپلوماتيالىق مەكەمەلەرى قۇزىرەتتى ورگاندارمەن بىرلەسە وتىرىپ قارايدى.

سونىمەن قاتار، ۆيزاسى بار ادامدار دا ەلگە كىرگىزىلمەۋى مۇمكىن، سەبەبى شەكارانى كەسىپ وتۋگە رۇقساتتى ۋكراينا شەكارا قىزمەتىنىڭ قىزمەتكەرلەرى بەرەدى.

مەملەكەتتىك قىزمەت تۇسىندىرگەندەي، ەلگە كىرگىسى كەلەتىن ازاماتتاردا ءتيىستى قۇجاتتار، ەلگە كىرۋگە شەكتەۋلەر تۋرالى اقپاراتتىڭ بولماۋى، ساپار ماقساتىن راستاۋ جانە جەتكىلىكتى قاراجات بولۋى ءتيىس.

ءۇشىنشى ەلدەردەگى رەسەي ازاماتتارى ۆيزا راسىمدەۋ ءۇشىن وسى ەلدەردەگى ۋكراينانىڭ شەتەلدىك ديپلوماتيالىق مەكەمەلەرىنە بارۋى ءتيىس.

سوڭعى جاڭالىقتار