پاۆلودار وبلىسىنىڭ اكىمى قاڭتار وقيعاسىنان كەيىنگى جاڭا باعدارلاما تۋرالى ايتتى

None
None
نۇر-سۇلتان. قازاقپارات - قاڭتار وقيعالارىنان كەيىن پاۆلودار وبلىسىندا 2022-جىلعا ارنالعان جاڭا ءىس-قيمىل باعدارلاماسى ازىرلەندى.

بۇل تۋرالى اتالعان ءوڭىردىڭ اكىمى ءابىلقايىر سقاقوۆ ايتتى، دەپ حابارلايدى قازاقپارات ءتىلشىسى.

«قاڭتارداعى وقيعالار بىرلەسىپ شەشىم قابىلداۋعا باعىتتادى. كەڭ تالقىلاۋ مەن كوپشىلىكتىڭ داۋىسى وتە ماڭىزدى ەكەنىنە كوزىمىز جەتتى. سوندىقتان ءبىز ەسكى جوسپارلارىمىزدى ارتقا تاستاپ، جاڭا باعدارلاماعا ۇسىنىستار قابىلداي باستادىق. وبلىستىڭ تۇرعىندارى وسىعان بەلسەندى قاتىستى. اقساقالدار، جاستار، قوعام وكىلدەرى، ميتينگىگە قاتىسقاندار جانە باسقا دا ازاماتتار ءوز پىكىرلەرىن ءبىلدىرىپ، ءبىز ولاردىڭ ۇسىنىستارىنا بارىنشا اشىق بولۋعا تىرىستىق»، - دەدى ءا. سقاقوۆ ورتالىق كوممۋنيكاتسيالار قىزمەتىندە.

وسى ورايدا ول تەك ءبىر اپتانىڭ وزىندە اكىمدىك 2,5 مىڭعا جۋىق ءوتىنىش پەن ۇسىنىس قابىلداعانىن ايتتى.

«ولاردىڭ 60 پايىزعا جۋىعى جۇمىسپەن قامتۋ جانە جاستار ماسەلەلەرىنە قاتىستى بولدى. كەلىپ تۇسكەن ۇسىنىستاردى مۇقيات تالداپ ءبىز 150 گە جۋىق ادام جينالعان ەكى ستراتەگيالىق سەسسيا وتكىزدىك. وعان ءار جاستاعى ادامدار، قالالار مەن اۋىلداردان كەلگەن ازاماتتار بەلسەندى قاتىستى. 5- قاڭتار كۇنى الاڭدا بولعان ادامدار دا شاقىرتىلدى.

«جالپى تالقىلاۋدىڭ ناتيجەسىندە 2022-جىلعا ارنالعان ءىس-قيمىل باعدارلاماسى دايارلاندى. بۇل ءوز كەزەگىندە ناقتى ماقساتتار مەن پروبلەمالارعا قاتىستى ىسكە اسىرىلاتىن جۇمىستاردى قامتىدى. ياعني، 5 مىڭ جۇمىسسىز جاستى ەڭبەكپەن قامتۋ، 12 مىڭ مەكتەپ وقۋشىسىنىڭ بەلسەندى دەمالىسىنا جاعداي جاساۋ جانە باسقا دا ماسەلەلەپ ەسكەرىلدى»، - دەدى وبلىس اكىمى.

ونىڭ سوزىنە قاراعاندا، قازىرگى كەزدە پاۆلودار وبلىسىنىڭ 6 مىڭعا جۋىق تۇرعىنى جاڭا باعدارلاما ىسكە اسىرىلا باستاعاننان بەرى تۇراقتى جانە ۋاقىتشا جۇمىسقا ورنالاستىرىلدى.

بۇدان بۇرىن حابارلانعانداي، پاۆلوداردا ەمحانالاردىڭ جۇمىسىن قايتا قۇرۋ ءجۇرىپ جاتىر.

سوڭعى جاڭالىقتار