ىلە الاتاۋى ۇلتتىق پاركىنىڭ سەل ءجۇرۋ قاۋپى جوعارى ايماقتارىنا بوگەت سالىنادى

None
None
نۇر-سۇلتان. قازاقپارات - ىلە الاتاۋى ۇلتتىق تابيعي ساياباعىنىڭ 20,90 گەكتار جەرى ەرەكشە قورعالاتىن اۋماقتان شىعارىلۋى مۇمكىن.

ول جەرلەرگە تۇرعىنداردى سەلدەن قورعاۋ ماقساتىندا بوگەت سالىنادى.

بۇل تۋرالى ورمان شارۋاشىلىعى جانە جانۋارلار دۇنيەسى كوميتەتىنىڭ قاۋلىسى اشىق تالقىعا شىعارىلدى، دەپ حابارلايدى قازاقپارات ءتىلشىسى.

قاۋلىدا ۇلتتىق پارك تەرريتورياسىندا ورنالاسقان اقساي وزەنى باسسەينى سەل قاۋپى جوعارى اۋماق ەكەنى جازىلعان.

ال وعان جاقىن جەردە 30 مىڭنان استام تۇرعىن قونىستانعان.

«اقساي وزەنىنىڭ باسسەينىندە سەل قاۋپى جوعارى 18 ۋچاسكە، 25 مۇزدىق، 16 مورەنالىق كول (ولاردىڭ 5 ەۋى اسا قاۋىپتى) ورنالاسقان. ولار 30 مىڭنان استام ادامنىڭ ومىرىنە قاۋىپ توندىرەدى. سوندىقتان الماتى قالاسى مەن الماتى وبلىسىنىڭ حالقىن سەلدەن قورعاۋ ماقساتىندا 20,90 گەكتار جەر ەرەكشە قورعاۋ اۋماعىنان شىعارىلىپ، قوسالقى جەرلەر ساناتىنا ەنگىزىلسىن. ول جەرگە بوگەت سالىنادى»، - دەلىنگەن قۇجاتتا.

ەرەكشە قورعالاتىن تەرريتوريادان شىعارىلاتىن اۋماقتاردىڭ باسىم بولىگى جايىلىمدىق جەرلەر مەن ورمانسىز القاپتار. قاۋلى 13- شىلدەگە دەيىن تالقىلاۋعا شىعارىلدى.


سوڭعى جاڭالىقتار