كۇن ىستىقتا دەنساۋلىقتى قالاي كۇتۋ كەرەك - دارىگەر كەڭەسى

None
None
الماتى. قازاقپارات - الماتىدا سوڭعى كۇن قاتتى ىستىق بولىپ تۇر. وسى ورايدا №18-قالالىق ەمحاناسىنىڭ جالپى پراكتيكا دارىگەرى ايانا قىرىقبايەۆا ىستىقتا دەنساۋلىقتى قالاي كۇتۋ كەرەكتىگى تۋرالى كەڭەس بەردى، دەپ حابارلايدى قازاقپارات ءتىلشىسى.

دارىگەردىڭ ايتۋىنشا، قالىپتى تەمپەراتۋرادا سالماعى 70 ك گ ادامعا كۇنىنە 2,1 ليتر سۋ ءىشۋ كەرەك. ال كۇن ىستىقتا تاعى 1 ليتر قوسىپ ىشكەن دۇرىس.

«كۇن ىستىقتا اشى، مايلى جانە ىستالعان تاعامدى جەۋگە بولمايدى. راتسيونعا وسىمدىك مايلارىن، جەمىس، كوكونىستەردى قوسۋ قاجەت. كالوريالاردى ازايتۋ كەرەك. ىستىقتا كيىمنىڭ ماتاسى اۋا مەن سۋدى جاقسى وتكىزگەنى دۇرىس. كيىمنىڭ ماتاسى ماقتا جانە زىعىردان جاسالعان بولۋ كەرەك. سونداي- اق، ماقتا جانە ۆيسكوزا ونىمدەرىنەن بولعانى دۇرىس. سەبەبى، ولار دا ىلعالدى جاقسى سىڭىرەدى. ءبىز ونى گيگروسكوپيالىق قاسيەتتەر دەپ اتايمىز. جازدا باس كيىم وتە قاجەت، سەبەبى، ول ادەمى اكسەسسۋار عانا ەمەس، سونىمەن بىرگە، كۇن ساۋلەسى مەن جەلدەن قورعايتىن ەلەمەنت. SPF كرەمى - كۇننەن قورعايتىن فاكتور نەمەسە ادامنىڭ كۇيىپ كەتپەيتىندەي، كۇن استىندا بولۋ ۋاقىتىن ۇزارتا الاتىن قورعانىس ءتۇرى»، - دەدى ايانا قىرىقبايەۆا.

ىستىق اۋا- رايىندا تۇسكى ساعات 12- دەن 16-عا دەيىن ەڭ ءقاۋىپتى ۋاقىت ەكەنىن ەسكە سالدى. «بۇل ۋاقىتتا اۋا تەمپەراتۋراسى ايتارلىقتاي كوتەرىلەدى. سوندىقتان بۇل ۋاقىتتا دالاعا شىقپاۋعا كەڭەس بەرەمىز. كونديتسيونەردەن ادامدار كوبىنە انگينا جانە جرۆي- مەن اۋىرادى. اسىرەسە، ادام ىستىقتان سالقىن بولمەگە كىرگەن كەزدە، دەنەدە جينالعان بارلىق تەر بۋلانىپ، دەنە تەمپەراتۋراسى تومەندەيدى. وسىلايشا ادام سالقىنداۋدىڭ ەكى دوزاسىن الادى. جالپى، كونديتسيونەر ارقىلى سۋىق تيۋ نەمەسە ودان دا اۋىر اۋرۋعا شالدىعۋ قاۋپى بار. ال كولىكتە تەرەزەنى تولىق ەمەس، ءسال عانا اشىڭىز نەمەسە ميكروكليماتتى باسقارۋدىڭ اۆتوماتتى رەجيمىن پايدالانباڭىز»، - دەگەن كەڭەستەر بەردى دارىگەر.

ەسكە سالايىق، بۇگىن اباي، قىزىلوردا، جامبىل، تۇركىستان، الماتى وبلىستارىنىڭ باسىم بولىگىندە كۇن قاتتى ىسيدى. سونداي-اق، الماتى قالاسىنىڭ توتەنشە جاعدايلار دەپارتامەنتى اپتاپ ىستىققا بايلانىستى قالا تۇرعىندارىنا ۇندەۋ جاساعان ەدى.

سوڭعى جاڭالىقتار