قازاقستاندا بۇقارالىق اقپارات قۇرالدارىنىڭ سانى جىل سايىن ارتىپ كەلەدى

None
None
نۇر-سۇلتان. قازاقپارات - قازاقستاندا بۇقارالىق اقپارات قۇرالدارىنىڭ سانى جىل سايىن ارتىپ كەلەدى.

بۇل تۋرالى ۇكىمەت وتىرىسىندا ق ر اقپارات جانە قوعامدىق دامۋ ءمينيسترى اسقار وماروۆ ايتتى، دەپ حابارلايدى قازاقپارات ءتىلشىسى.

«مەديا مەن مەملەكەت ءوزارا تىعىز ءارى ماڭىزدى ۇعىم ەكەنىن جاقسى بىلەمىز. اقپارات قۇرالدارىن العا شىعارىپ، جان-جاقتى دامىتۋ قوعامنىڭ ءوسىپ-وركەندەۋىنە جول اشادى. بۇنى الەمدىك پروتسەستەن كورىپ وتىرمىز. قازاقستان دا بۇل دامۋ ديناميكاسىنان قالىپ قويعان جوق. وتاندىق مەديا- يندۋستريا قارقىندى جانە ساپالى دامۋ ۇستىندە. بۇگىنگى تاڭدا ەلىمىزدە 5 مىڭنان استام باق تىركەلگەن جانە جىل سايىن ولاردىڭ سانىنىڭ بەلسەندى ارتىپ جاتقانى بايقالادى»، - دەدى مينيستر.

ونىڭ اتاپ وتۋىنشە، بۇقارالىق اقپارات قۇرالدارىنىڭ سانىمەن بىرگە تارالۋ اۋماعى دا ۇلعايىپ وتىر. ياعني وزگە تىلدە شىعاتىن باسىلىمدار بەلگىلى ءبىر ەتنوستار تۇراتىن ايماقتاردا عانا ەمەس، تۇتاستاي رەسپۋبليكاعا كەڭىنەن تارالىپ جاتىر.

«دەسەك تە، قازاقستان رەسپۋبليكاسىنىڭ ب ا ق تۋرالى زاڭىنا سايكەس بۇقارالىق اقپارات قۇرالىنىڭ ءونىمىن شىعارۋ، تاراتۋدى توقتاتا تۇرۋ نەمەسە توقتاتۋ مەنشىك يەسىنىڭ نەمەسە سوتتىڭ شەشىمى بويىنشا جۇزەگە اسادى. زاڭنىڭ بۇل تارماعى ب ا ق-تىڭ ينستيتۋتسيونالدىق قورعالۋىنىڭ ايتارلىقتاي جوعارى دارەجەسىن كورسەتەدى»، - دەدى اسقار وماروۆ.

ايتا كەتەيىك، وسىعان دەيىن ب ا ق سانى جىل سايىن ارتىپ كەلە جاتقانى تۋرالى جازدىق.

اۆتور: مارلان جيەمباي


سوڭعى جاڭالىقتار