وزگەنىڭ قۇقىق بۇزۋ ءساتىن كامەراعا تۇسىرۋگە زاڭ تىيىم سالمايدى – ءى ءى م
«قولدانىستاعى زاڭناما ازاماتتارعا قۇقىق بۇزعان ادامنىڭ بەت الپەتىن، ارەكەتىن فوتو مەن ۆيدەوعا ءتۇسىرىپ الۋعا تىيىم سالمايدى»، - دەپ جازادى ىشكى ىستەر مينيسترلىگىنىڭ باسپا ءسوز قىزمەتى.
سونداي- اق، ازاماتتىق كودەكستىڭ 145-بابىنىڭ 2 بولىگى بويىنشا، وزگە تۇلعا تۇسىرىلگەن سۋرەت، فوتو، كينوفيلم مەن وزگە دە ماتەريالداردى ءوزىنىڭ رۇقساتىمەن عانا جاريالاۋعا بولاتىنى ايتىلعان.
«اكىمشىلىك قۇقىق بۇزۋ تۋرالى كودەكستىڭ 802-بابى بويىنشا بەينەسى رۇقساتسىز جاريالانعان زاڭدى نەمەسە جەكە تۇلعادان شاعىم تۇسسە، قىلمىستىق ءىس قوزعالادى. اتالعان كودەكستىڭ 768-بابى بويىنشا بىرەۋدىڭ سىرتىنان تۇسىرىلگەن فوتو، ۆيدەودەرەكتەر سوت ىسىندە ايعاق رەتىندە قولدانىلا الادى»، - دەپ جازىلعان ۆدەومستۆونىڭ جاۋابىندا.
ەسكە سالساق، الەۋمەتتىك جەلىدە وسى ايدىڭ باسىندا وتكەن رەفەرەندۋم كەزىندە رەفەرەندۋم كوميسسياسىنىڭ مۇشەلەرى بيۋللەتەندەردى وزدەرى تولتىرىپ، جاشىككە سالىپ جاتقانى جايلى ۆيدەو تاراعان بولاتىن. وسى جاعدايعا بايلانىستى سول ۋچاسكەنىڭ كوميسسيا مۇشەلەرى ۋاقىتشا قىزمەتىنەن شەتتەتىلگەن ەدى.
اۆتور: ەسىمجان ناقتىباي