قازاقستاندىق فايتەر شاۆكات راحمونوۆ قارسىلاسىن جەڭدى

ول لاس- ۆەگاستا (اقش) وتكەن UFC on ESPN 38 تۋرنيرىندە قارسىلاسى امەريكالىق جەكپە- جەك شەبەرى نيل مەگنيدى (26-8) جەڭدى.

جەكپە-جەك ءۇش راۋندقا ەسەپتەلگەن، الايدا راحمونوۆ قارسىلاسىنا قارسى تۇنشىقتىرۋ ءادىسىن ءساتتى پايدالانا بىلگەننەن كەيىن ايقاس ەكىنشى راۋندتا اياقتالدى.

وسىلايشا شاۆكات راحمونوۆ كاسىبي مانسابىنداعى ون التىنشى جەڭىسىنە قول جەتكىزىپ، جەڭىلىپ كورمەگەن سپورتشى اتاعىن ساقتاپ قالدى. نيل مەگني توعىزىنشى رەت جەڭىلدى.

بۇعان دەيىن حابارلانعانداي، جەڭىلىپ كورمەگەن قازاقستاندىق جەكپە-جەك شەبەرى شاۆكات راحمونوۆ (15-0) العاش رەت جارتىلاي ورتا سالماقتاعى UFC رەيتينگىنىڭ توپ-15 قاتارىندا.