سەمەي تۇرعىنىنان تانككە قارسى مينا تابىلدى

ش ق و بويىنشا قىلمىستىق اتقارۋ جۇيەسى دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، تەرگەۋ يزولياتورلارىنىڭ قىزمەتكەرلەرىنە وسكەمەن جانە سەمەي قالالارىنىڭ ەكى تۇرعىنى اتىس قارۋى مەن وق-دارىلەردى زاڭسىز ساقتاعانى تۋرالى جەدەل اقپارات كەلىپ ءتۇستى.

و ۆ 156/1 مەكەمەسىنىڭ قىزمەتكەرلەرى بۇل حاباردى پوليتسياعا جەتكىزدى. بۇدان سوڭ، بىرلەسكەن جەدەل-ىزدەستىرۋ شارالارى قولعا الىنىپ، ونىڭ بارىسىندا سەمەي تۇرعىنى ءوز ۇيىندە ت م-62م تانككە قارسى مينانى جاسىرعانى انىقتالدى.

سونداي-اق تۇزەتۋ مەكەمەسىنىڭ جەدەل ءبولىمى ش ق و پوليتسيا دەپارتامەنتى كريمينالدىق پوليتسيا باسقارماسىنىڭ قىزمەتكەرلەرىمەن بىرگە وسكەمەن تۇرعىنىنان 16 م م كاليبرلى ب م ۇلگىسىندەگى تەگىس ۇڭعىلى اڭشى مىلتىعىن تاپتى.

«ەر ادامداردا قارۋ ۇستاۋعا رۇقسات قۇجاتتارى بولعان جوق. تاركىلەنگەن زاتتارعا ساراپتاما تاعايىندالدى. ق ر ق ك- ءنىڭ 287-بابىنا سايكەس (قارۋدى، وق-دارىلەردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ) سوتقا دەيىنگى تەرگەۋ امالدارى جۇرگىزىلۋدە»، - دەدى ش ق و بويىنشا ق ا ج د و ۆ 156/1 مەكەمەسىنىڭ باستىعى قانات ءجۇسىپوۆ.