قاي وڭىرلەردە بەنزين قىمباتتايدى؟

None
None
نۇر-سۇلتان. قازاقپارات - ەنەرگەتيكا مينيسترلىگى مۇناي ونىمدەرىن بولشەك ساۋدادا وتكىزۋگە قاتىستى شەكتى باعالاردى وزگەرتۋ تۋرالى جوبا دايىندادى، - دەپ حابارلايدى ك ت ك تەلەارناسى.

اي-92 جانە اي-93 ماركالى بەنزين باعاسىن مىنا دەڭگەيدە بەلگىلەۋ جوسپارلانىپ وتىر:

- قوستاناي، سولتۇستىك قازاقستان وبلىستارىندا - ليترىنە 187 تەڭگە؛

- بارلىق باسقا وبلىس پەن رەسپۋبليكالىق ماڭىزى بار قالالاردا ليترىنە 182 تەڭگە.

بۇگىندە بۇل بەنزيننىڭ شەكتى باعاسى - ەلىمىزدىڭ بارلىق وڭىرىندە 182 تەڭگە.

مينيسترلىك مالىمەتىنشە، قوستاناي جانە سولتۇستىك قازاقستان وبلىستارىندا بولشەك ساتۋشىلارعا الىس وڭىرلەرگە تاسىمالداۋدا لوگيستيكالىق شىعىن ارتۋىنا بايلانىستى شەكتى باعانى 5 تەڭگەگە ارتتىرۋ جوسپارلانىپ وتىر. مۇنداي باعا 180 كۇن ىشىندە قويىلادى.

سونىمەن قاتار، جاڭا قوسىلعان وبلىستاردا ديزەل وتىنى باعاسى (جازعى، ماۋسىمارالىق) وزگەرىسسىز قالادى.

اقمولا، اقتوبە، شىعىس قازاقستان، باتىس قازاقستان، قوستاناي، سولتۇستىك قازاقستان وبلىستارىندا، سونداي-اق، اباي وبلىسىندا ءبىر ليتردىڭ باعاسى - 260 تەڭگە.

نۇر-سۇلتان، الماتى، شىمكەنت قالالارىندا، الماتى، اتىراۋ، جامبىل، قاراعاندى، قىزىلوردا، پاۆلودار، تۇركىستان، ماڭعىستاۋ وبلىستارىندا، سونىمەن قاتار، جەتىسۋ، ۇلىتاۋ وبلىستارىندا ليترىنە - 230 تەڭگە.

سوڭعى جاڭالىقتار