سكريپكاشى ايمان مۇساقوجايەۆا بەرليندە ونەر كورسەتتى
ەلىمىزدىڭ حالىق ءارتىسى بەرلين سيمفونيالىق وركەسترىنىڭ سۇيەمەلدەۋىمەن ايگىلى كومپوزيتور ارام حاچاتۋريانننىڭ سكريپكاعا ارنالعان شىعارماسىن ورىندادى. كونسەرت نەمىس ديريجەرى گۋدني ەمەلسوننىڭ جەتەكشىلىگىمەن ءوتتى. بەرلين زالى قازاقستاندىق سكريپكاشىنىڭ كونسەرتىن كورەمىن دەۋشىلەرگە لىق تولدى. جەرگىلىكتى كورەرمەندەر بۇل كەشتى اسىعا كۇتكەن. ول 2 جىل بۇرىن ءوتۋى ءتيىس ەدى. ءبىراق پاندەميادان كەيىنگە شەگەرىلگەن. الدا ايمان مۇساقوجايەۆانىڭ قازاق ۇلتتىق ونەر ۋنيۆەرسيتەتىنىڭ ستۋدەنتتەرىمەن بىرگە سلوۆەنيا، فرانسيا جانە يتاليادا كونسەرتى وتەدى.
ايمان مۇساقوجايەۆا، ق ر حالىق ءارتىسى:
- وسى كەرەمەت ۇلكەن زالدا بيىل ءۇشىنشى رەت ونەر كورسەتىپ وتىرمىن. كورەرمەندەر قويىلىمىمىزدى وتە جاقسى قارسى الدى. بەرلين وركەسترىمەن كوپ جىلدان بەرى جەمىستى جۇمىس ىستەپ كەلەمىز. بۇگىن حاچاتۋرياننىڭ سيمفونيالىق وركەسترىمەن سكريپكاعا ارنالعان شىعارماسىن ورىندادىم. جينالعان قاۋىم ءدان ريزا بولدى. سوندىقتان بۇگىنگى باعدارلامامىز ولاردىڭ كوڭىلىنەن شىقتى دەپ ويلايمىن.
www.24.kz