قاسىم-جومارت توقايەۆ سوت جۇيەسىنە قاتىستى رەفورمالاردى جاريا ەتەدى

«قۇقىق قورعاۋ جۇيەسىن رەفورمالاۋعا قاتىستى ايتار بولسام، قىركۇيەكتە سوت جۇيەسىن قايتا پىشىمدەۋمەن بايلانىستى رەفورمالاردىڭ جاڭا توپتاماسىن جاريا ەتەتىن بولامىن. بۇل - قازاقستان ءۇشىن وزەكتى پروبلەما. قازىر پوليتسيا قىزمەتىن رەفورمالاۋ ءجۇرىپ جاتىر. ول قيىندىقپەن وتۋدە. بۇل - رەفورما. دەگەنمەن، تۇپتەپ كەلگەندە ءبىز تابىسقا قول جەتكىزەمىز. باستىسى - ساياسي ەرىك- جىگەر جانە ەل ازاماتتارىنىڭ قولداۋى»، - دەپ اتاپ ءوتتى قازاقستان پرەزيدەنتى سانكت- پەتەربۋرگ حالىقارالىق ەكونوميكالىق فورۋمىندا.

مەملەكەت باسشىسى ەلىمىزدىڭ قۇقىق قورعاۋ سالاسىندا سولقىلداق تۇستىڭ دا بولعانىن جاسىرمادى. «بىرەسە ىزگىلەندىردىك، ەندى بىردە قاتاڭداتتىق. نە قالايتىنىمىزعا قاتىستى تۇسىنىك بولمادى. قازىر ءبىز ازاماتتارىمىزدىڭ قاجەتتىلىگىنە ناقتى نەگىزدەلگەن «وڭتايلى تۇستى» تاپتىق، - دەدى قاسىم-جومارت توقايەۆ.

پرەزيدەنتتىڭ اتاپ وتۋىنشە، ازاماتتار پوليتسەيلەردەن ساتىلمايتىن قورعاۋشىنى كورگىسى كەلەتىنىن باسا ايتتى.

اۆتور: مارلان جيەمباي