جانىبەك ءالىمحان ۇلى جىلدىڭ ۇزدىك نوكاۋتى يەسى اتالىمىنا لايىق – ساراپشى
امەريكالىق ساراپشى دەن رافاەل بوكسشىنىڭ بۇگىنگى ونەرىنە وسىنداي باعا بەردى، دەپ حابارلايدى قازاقپارات Sports.kz سايتىنا سىلتەمە جاساپ.
«تاماشا ونەر كورسەتكەن جانىبەك ءالىمحان ۇلى دەنني ديگنۋمدى ەكىنشى راۋندتا جويقىن سوققىمەن نوكاۋتقا ءتۇسىرىپ، WBO تۇجىرىمى بويىنشا بوس ورتا سالماقتاعى ۋاقىتشا تيتۋلدى جەڭىپ الدى. العاش رەت ESPN ارناسىندا Top Rank ءتىزىمىنىڭ باسىنا ورنىققان ءالىمحان ۇلى ءوزىنىڭ ءسوزسىز ايقىن جەڭىسىن كەرەمەت كورسەتتى: لاس- ۆەگاستا ول قارسىلاسىن قيراتىپ، جىلدىڭ ەڭ ۇزدىك نوكاۋتى اتالىمىنا تولىعىمەن لايىقتى نوكاۋت جاسادى»، - دەپ ەسەپتەيدى رافاەل.
بۇعان دەيىن حابارلاعانىمىزداي، بۇگىن تاڭەرتەڭ جانىبەك ءالىمحان ۇلى لاس- ۆەگاستا دەنني ديگنۋمدى ەكىنشى راۋندتا نوكاۋتقا ءتۇسىرىپ، WBO تۇجىرىمى بويىنشا ورتا سالماقتاعى «ۋاقىتشا» چەمپيون تيتۋلىن جەڭىپ الدى.